ଭୁବନେଶ୍ବର: ସ୍ଥାନୀୟ ବିଜୁ ପଟ୍ଟନାୟକ ବିମାନବନ୍ଦରରେ ଗତକାଲି ରାତିରେ ନିର୍ମାଣଧିନ ଛାତ ଭୁଶୁଡିବା ଘଟଣାରେ ଆରମ୍ଭ ହୋଇଛି ରାଜନୈତିକ ବୟାନବାଜି। ଏ ଘଟଣାରେ ଜଟଣୀ ବିଧାୟକ ସୁର ରାଉତରାୟ ପ୍ରତିକ୍ରିୟା ରଖିଛନ୍ତି। ଏହି ଦୁର୍ଘଟଣାକୁ ସେ ଦୁଃଖଦ ବୋଲି କହିବା ସହ ସିବିଆଇ ତଦନ୍ତ ଦାବି କରିଛନ୍ତି। ଏହା ସହିତ ଏହାର ନିର୍ମାଣ କାର୍ଯ୍ୟରେ ସମ୍ପୃକ୍ତ କଣ୍ଟ୍ରାକ୍ଟରକୁ ଗିରଫ କରିବା ସହ ଦୃଢ କାର୍ଯ୍ୟାନୁଷ୍ଠାନ ନେବାକୁ ମଧ୍ୟ ସେ ଦାବି କରିଛନ୍ତି। କେନ୍ଦ୍ର ସରକାର ଏହି କାମ ପାଇଁ ଟେଣ୍ଡର କରିଥିଲେ। ସେଥିପାଇଁ ମୃତକଙ୍କ ପରିବାରକୁ ୨୦ ଲକ୍ଷ କ୍ଷତିପୂରଣ, ପରିବାରକୁ ନିଯୁକ୍ତି ଓ ଆହତଙ୍କୁ ମାଗଣା ଚିକିତ୍ସା ସୁବିଧା ଯୋଗାଇ ଦେବାକୁ ମତ ରଖିଛନ୍ତି।
ଅନ୍ୟପଟେ ଏହି ଦୁର୍ଘଟଣାକୁ ନେଇ ବିଜେପି-ବିଜେପି ମଧ୍ୟରେ ଆରୋପ-ପ୍ରତ୍ୟାରୋପ ଆରମ୍ଭ ହୋଯାଇଛି। ବିଜେପି ମୁଖପାତ୍ର ଗୋଲକ ମହାପାତ୍ର ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି । ଏଥିସହିତ ବିଜେଡିର ରାଜ୍ୟସଭା ସାଂସଦ ସସ୍ମିତ ପାତ୍ରଙ୍କ ବୟାନର ଉତ୍ତର ରଖିଛନ୍ତି। ଏନେଇ ସେ କହିଛନ୍ତି, "ଠାକୁର ଘରେ କିଏ ନା ମୁଁ କଦଳୀ ଖାଇନି" ସସ୍ମିତ୍ ପାତ୍ରଙ୍କ ବୟାନ ଠିକ୍ ଏପରି।
ଠିକାଦାର ଦିଲ୍ଲୀପ ଖଟେଇଙ୍କୁ ସୁରକ୍ଷା ଦେବାକୁ ବିଜେଡି ଏମିତି କହୁଥାଇ ପାରେ ବୋଲି ଅଭିଯୋଗ ଆଣିଛନ୍ତି ଗୋଲକ ମହାପାତ୍ର। ଏହି ଠିକାଦାରଙ୍କ କେଉଁ ଅଫିସର ଓ ରାଜନେତାଙ୍କ ସହିତ ସମ୍ପର୍କ ଅଛି ଏବଂ କେଉଁ କେଉଁ କାମ ତାଙ୍କୁ ଦିଆଯାଇଛି, ତାହାର ତଦନ୍ତ ହେବା ଜରୁରୀ। ବମିଖାଲ ଓଭରବ୍ରିଜ୍ ଭୁଷୁଡିବା ଘଟଣାରେ ଦାୟିତ୍ଵରେ ଥିବା ପୂର୍ତ୍ତ ସଚିବଙ୍କୁ ଟିକେଟ ଦେଇ ବିଜେଡି ସ୍ପଷ୍ଟ କରିସାରିଛି, ରାଜନୀତି କିଏ କରୁଛି । ପୂର୍ବରୁ ବିଜେଡି ପକ୍ଷରୁ ଏହି ଦୁର୍ଘଟଣା ନେଇ ପ୍ରତିକ୍ରିୟା ରଖିଥିଲେ ସାଂସଦ ସସ୍ମିତ ପାତ୍ର।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
