ଭୁବନେଶ୍ବର: ପୋଲିସ ବାରାକରେ ବସ୍ତି ପିଲାଙ୍କ ମଉଜ । ନାଚିଲେ, ଗାଇଲେ, ମେଡାଲ ଜିତି ଖୁସି ମନାଇଲେ । ଭାଇଚାରା ବଢାଇବାକୁ ପୋଲିସର ଏପରି ଅଭିଯାନକୁ ସବୁଠି ସ୍ବାଗତ । ରିଜିଓନାଲ ଗ୍ରାଉଣ୍ଡରେ ଏହି ସମାରୋହ ଆୟୋଜନ ହୋଇଥିଲା ।
କାର୍ଯ୍ୟକ୍ରମରେ ରାଜଧାନୀର ସମସ୍ତ ବସ୍ତି ବାସିନ୍ଦା ଉପସ୍ଥିତ ଥିବା ଦେଖିବାକୁ ମିଳିଥିଲା । ପୋଲିସର ଏହି ସ୍ବତନ୍ତ୍ର କାର୍ଯକ୍ରମରେ ଉପସ୍ଥିତ ଥିଲେ ଜଜଙ୍କ ସମେତ ରାଜଧାନୀର ବିଭିନ୍ନ ଥାନାଧିକାରୀ, ACP, DCP ଓ ପୋଲିସ କମିଶନର । ନାଚ, ଗୀତର ଆସର ସହ ଗୋଟିଏ ପରେ ଗୋଟିଏ ମନୋରଞ୍ଜନଭିତ୍ତିକ କାର୍ଯ୍ୟକ୍ରମ ପରିବେଷଣ କରିଥିଲେ ବସ୍ତି ବାସିନ୍ଦା । ଓଲିଉଡ ବିଭିନ୍ନ ଅଭିନେତା ଓ ଅଭିନେତ୍ରୀ ମଧ୍ୟ ଉପସ୍ଥିତ ରହି ବସ୍ତି ପିଲାଙ୍କୁ ଉତ୍ସାହିତ କରିଥିଲେ ।
ହାସ୍ୟ କଳାକାର ପିଲାମାନଙ୍କୁ ମନୋରଞ୍ଜନ କରାଇବା ସହ ଆଗକୁ ସୁନ୍ଦର ଭବିଷ୍ୟତ ଗଢିତୋଳିବା ପାଇଁ ପୋଲିସ ଅଧିକାରୀ ପ୍ରେରଣା ଦେଇଥିଲେ । ତେବେ ଏପରି କାର୍ଯ୍ୟକ୍ରମ ମାଧ୍ୟମରେ ବସ୍ତି ପିଲାଙ୍କୁ ଅସାମାଜିକ କାର୍ଯ୍ୟରୁ ନିବୃତ୍ତ ରଖିବା ଥିଲା ମୁଖ୍ୟ ଉଦ୍ଦେଶ୍ୟ । କାର୍ଯ୍ୟକ୍ରମ ଶେଷରେ ପିଲାମାନଙ୍କୁ ପୁରସ୍କୃତ କରିଥିଲେ ଅତିଥିବୃନ୍ଦ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
