ଭୁବନେଶ୍ବର: ଦିନକୁ ଦିନ ବଢିବାରେ ଲାଗିଛି ସଂକ୍ରମଣ । ଏହାକୁ ଦୃଷ୍ଟିରେ ରଖି ରାଜ୍ୟ ସରକାର କୋଭିଡ ନିୟମକୁ କଡାକଡି ପାଳନ କରୁଛନ୍ତି । କୋଭିଡ ନିୟମ ଉଲ୍ଲଂଘନ ନେଇ ପଟିଆ ଇନ୍ଫୋସିଟିର ଏକ ବାର ସହ ଅନେକ ଦୋକାନକୁ ସିଲ କରିଛି ବିଏମସି । ଏନେଇ ପ୍ରାୟ ୧୮୫୦୦ ଟଙ୍କା ଫାଇନ ଆଦାୟ କରିଛି ବିଏମସି ।
କୋଭିଡ ଗାଇଡ ଲାଇନ ଉଲଘଂନ, ସିଲ ହେଲା ବାର
ବିଏମସି ନର୍ଥ ଜୋନ ଜୋନାଲ କମିଶନର ପୁରନ୍ଦର ନନ୍ଦ,ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀଙ୍କ ନେତୃତ୍ୱରେ ବିଭିନ୍ନ ଦୋକାନ ବଜାରରେ ଚଢ଼ାଉ କରି ସିଲ କରାଯାଇଛି । ଭୁବନେଶ୍ୱରରେ ସଂକ୍ରମଣ ବୃଦ୍ଧି ପାଉଥିବାରୁ ବିଏମସି ପକ୍ଷରୁ ବିଭିନ୍ନ ସ୍ଥାନରେ ଚଢାଉ ଜାରି ରହିଛି ।
ଭୁବନେଶ୍ବରରୁ ସଞ୍ଜିବ ରାୟ,ଇଟିଭି ଭାରତ
