ଭୁବନେଶ୍ବର: ବହୁ ଚର୍ଚ୍ଚିତ ଅଯୋଧ୍ୟା ବିବାଦ ମାମଲାର ରାୟ ପ୍ରକାଶ ପାଇଛି। ଏହାକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା ଉପରେ ନଜର ରଖିବାକୁ ଶୁକ୍ରବାର ଠାରୁ ପୋଲିସ ଓ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।ଶାନ୍ତି ଓ ଶୃଙ୍ଖଳା ଉପରେ ଯେଭଳି ନକରାତ୍ମକ ପ୍ରଭାବ ନପଡେ ସେଥିପାଇଁ ନିର୍ଦ୍ଦେଶ ରହିଛି । ଏନେଇ ସମସ୍ତେ ସଜାଗ ଅଛନ୍ତି ବୋଲି କହିଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
ଏଥିସହ ରାଜ୍ୟର ସମସ୍ତ ଜିଲ୍ଲାରେ ସଜାଗ ରହିଛନ୍ତି ପୋଲିସ ଫୋର୍ସ । ସବୁସ୍ତର ଉପରେ ତୀକ୍ଷ୍ଣ ନଜର ରଖାଯାଇଛି । ସମସ୍ତ ଜିଲ୍ଲାପାଳ ନିର୍ଦ୍ଦେଶ ଦିଆଯିବା ସହ ଅତି ସମ୍ବେଦନଶୀଳ ଜିଲ୍ଲା ମାନଙ୍କରେ ମଧ୍ୟ କଡାକଡି ଭାବରେ ନଜର ରଖାଯାଇଛି ବୋଲି ପ୍ରତିକ୍ରିୟା ଦେଇଛନ୍ତି ମୁଖ୍ୟ ଶାସନ ସଚିବ।
ଏହାସହ ସୋସିଆଲ ମିଡ଼ିଆରେ କୌଣସି ପ୍ରକାର ଅପ୍ରତିକର ମତ ଓ ମନ୍ତବ୍ୟ ନଦେବା ପାଇଁ ମଧ୍ୟ କହିଛନ୍ତି ମୁଖ୍ୟ ଶାସନ ସଚିବ। ସୋସିଆଲ ମିଡିଆକୁ ମଧ୍ୟ ନଜର ରେ ରଖାଯାଇଛି ବୋଲି ସେ କହିଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
