ଭୁବନେଶ୍ବର: ବିଶ୍ବର କ୍ଷୁଦ୍ରତମ ରଥ ନିର୍ମାଣ କଲେ ଶିଳ୍ପୀ ସୁବଳ ମହାରଣା । ମାତ୍ର ଦେଢ଼ ସେଣ୍ଟିମିଟର ଉଚ୍ଚତାର ରଥ ନିର୍ମାଣ କରି ଚର୍ଚ୍ଚାକୁ ଆସିଛନ୍ତି ରାଜଧାନୀ ଭୁବନେଶ୍ବରର ସୁବଳ । ଦେଢ଼ ସେଣ୍ଟିମିଟର ଉଚ୍ଚତା ଥିବା ଏହି ରଥର ଚଉଡା ୧.୪ ସେଣ୍ଟିମିଟର ରହିଛି । ତେବେ ଏହି ରଥକୁ ନିମ୍ବ, ବେଲ, ତୁଳସୀ, ଗୁଆ କାଠରେ ନିର୍ମାଣ କରାଯାଇଛି । ଏହି ରଥଟି ନିର୍ମାଣ କରିବାକୁ ତାଙ୍କୁ ୪ ରୁ ସାଢେ 4 ଘଣ୍ଟା ସମୟ ଲାଗିଛି ।
ପୂର୍ବ ବର୍ଷ ୨.୩ ସେଣ୍ଟିମିଟରର ରଥ ନିର୍ମାଣ କରି 12 ଟା ଦେଶରୁ world book of record , India book of record , Asia book of record , world book star award ଆଦି ଅନେକ ସମ୍ମାନରେ ସମ୍ମାନିତ ହୋଇଥିଲେ ଶିଳ୍ପୀ ସୁବଳ ମହାରଣା । ଓଡ଼ିସାର କଳା, ସଂସ୍କୃତି, ଜଗନ୍ନାଥ ଚେତନା ଆଦିକୁ ଏହି ଛୋଟ ରଥ ମାଧ୍ୟମରେ ସାରା ବିଶ୍ବକୁ ଜଣାଇବାକୁ ତାଙ୍କର ଏହା ଏକ ଛୋଟ ପ୍ରୟାସ ବୋଲି ଶିଳ୍ପୀ ସୁବଳ ମହାରଣା କହିବା ସହ ନିଜର ଖୁସି ବ୍ୟକ୍ତ କରିଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
