ଭୁବନେଶ୍ବର: ବିଧାନସଭାରେ ବ୍ୟୟ ମଞ୍ଜୁରୀ ବିଲ୍ ପାରିତ । 1ଲକ୍ଷ 46ହଜାର 61 କୋଟି 9ଲକ୍ଷ 32 ହଜାର ଟଙ୍କାର ବ୍ୟୟ ମଞ୍ଜୁରୀ ବିଲକୁ ବିଧାନସଭାରେ ଅନୁମୋଦନ ।
ତେବେ ବିଧାନସଭାରେ ବ୍ୟୟ ମଞ୍ଜୁରୀ ବିଲ ଆଲୋଚନା ବେଳେ ବର୍ଷିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ଜାତୀୟ ବିରୋଧୀ ଦଳ ସହ ବିଜେଡି ହାତ ମିଳାଇଥିବା ଦର୍ଶାଇବା ସହ ସଂସଦରେ ଗୋଟିଏ ପରେ ଗୋଟିଏ ବିଲକୁ ସମର୍ଥନ କରିଆସୁଥିବା ସେ କହିଛନ୍ତି । ଏଥିସହିତ ସରକାର ଚାଷୀଙ୍କୁ ମାଗଣାରେ ବିଦ୍ୟୁତ ଯୋଗାଇ ନଥିବା ଦର୍ଶାଇବା ସହ ପିଇବା ପାଣି, ଶିକ୍ଷକ, ଲୋକଙ୍କ ଧନଜୀବନ ସୁରକ୍ଷା ପ୍ରସଙ୍ଗ ଉଠାଇ ବର୍ଷିଥିଲେ ନରସିଂହ ।
ଏହା ସହ ବିଧାୟକ ପାଣ୍ଠି 5କୋଟିକୁ ବୃଦ୍ଧି କରାଯିବା ସହ ପଶ୍ଚିମ ଓଡିଶା ବିକାଶ ପରିଷଦର ଅନୁଦାନ 100 କୋଟିରୁ 1000 କୋଟିକୁ ବଢାଯାଉ ଏବଂ ପେନସନ 1000 ଟଙ୍କାକୁ ବଢାଇବାକୁ ସେ ଦାବି କରିଥିଲେ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
