ଭୁବନେଶ୍ବର: ଓଡିଶା ପ୍ରଦେଶ କଂଗ୍ରେସର ପୁନଃଗଠନ ହୋଇଛି । ସବୁ ଜିଲ୍ଲା ଓ ନଗରର କଂଗ୍ରେସ ପାଇଁ ସଭାପତି ନାମ ଘୋଷଣା ହୋଇଛି ।
ଅଲ ଇଣ୍ଡିଆ କଂଗ୍ରେସ କମିଟିର ମୋହର ବାଜିବା ପରେ କଂଗ୍ରେସ ସଭାପତି ଜିଲ୍ଲା ଓ ସହର ପାଇଁ ଲୋଡା ଥିବା ସଭାପତିଙ୍କ ତାଲିକା ଘୋଷଣା କରିଛନ୍ତି । ଦୀର୍ଘ ଦିନ ହେବ ଏଆଇସିସି ଏହି ତାଲିକା ପଠାଇଥିଲା । ଭୁବନେଶ୍ବର ବିଶ୍ବ ଦାସ, କଟକ ମାନସ ଚୌଧୁରୀ, କଟକ ନଗରରୁ ଗିରିବାଳା ବେହେରା,ପୁରୀରୁ ଅଜିତ ମଙ୍ଗରାଜ,ଅନୁଗୁଳରୁ ବିପ୍ଳବ ଜେନା, ଖୋର୍ଦ୍ଧାରୁ ସୁର ରାଉତରାୟ, କୋରାପୁଟରୁ ମିନାକ୍ଷୀ ବାହିନୀପତି, ରାଉରକେଲା ଜର୍ଜ ତିର୍କୀ, ଜଗତସିଂହପୁରରୁ ନଟବର ବାରିକ,କଳାହାଣ୍ଡିରୁ ଭାରତ ଭୁଷଣ ବେମଳା ସହ ମୋଟ 33ଜଣ କଂଗ୍ରେସ ସଭାପତିଙ୍କ ନାମ ପ୍ରକାଶ ପାଇଛି ।
ଭୁବନେଶ୍ୱରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
