ଭୁବନେଶ୍ବର: ଆମ୍ବୁଲାନ୍ସକୁ ଛାଡିଲେନି ବାଟ । ଦୀର୍ଘ ସମୟ ଧରି ଭିଡ଼ ଭିତରେ ଫସିଗଲା ଆମ୍ବୁଲାନ୍ସ । ପଛୁଆ ପଛୁଆ ଫେରିଲା ଆମ୍ବୁଲାନ୍ସ । ଦୀର୍ଘ ସମୟ ଧରି ଫସି ରହିବା ପରେ ଭିଡ଼ରୁ ବାହାରିଥିଲା ଆମ୍ବୁଲାନ୍ସ। ଏଭଳି ଦୃଶ୍ୟ ଦେଖିବାକୁ ମିଳିଥିଲା ରବୀନ୍ଦ୍ର ମଣ୍ଡପ ନିକଟରେ। ଓଡିଶା ଡ୍ରାଇଭର ମହସଙ୍ଘ ଆନ୍ଦୋଳନବେଳେ ଜାମରେ ଆମ୍ବୁଲାନ୍ସଟି ଫସି ଯାଇଥିଲା ।
କିଛି ମହାସଂଘର କର୍ମୀମାନେ ଏଜି ଛକଠାରୁ ବିଧାନସଭା ମୁଖ୍ୟ ରାସ୍ତାରେ ଦୀର୍ଘ ସମୟ ଧରି ରାସ୍ତା ଅବରୋଧ କରିଥିଲା। ଯାହା ଫଳରେ ହଠାତ ରାସ୍ତା ଜାମ ହୋଇଯାଇଥିଲା। ଫଳରେ ଆମ୍ବୁଲାନ୍ସ ସହ ଅନେକ ସାଧାରଣ ଜନତା ଭିଡ଼ ମଧ୍ୟରେ ଫସି ରହିଥିଲେ ।
ପ୍ରକାଶ ଥାଉ କି, ପିଏମଜି ଛକରେ ଏକାଠି ହୋଇଛନ୍ତି ହଜାର ହଜାର ସଂଖ୍ୟାର ଡ୍ରାଇଭର। ୧୧ ଦଫା ଦାବି ନେଇ ପୁଣି ଥରେ ଆନ୍ଦୋଳନକୁ ଓହ୍ଲାଇଛି ଓଡ଼ିଶା ଡ୍ରାଇଭର ମହାସଂଘ। ସୁରକ୍ଷା, ସମ୍ମାନ ଓ ବୀମା ଦାବିରେ ଭୁବନେଶ୍ବର ଲୋୟର ପିଏମଜି ଛକରେ ହଜାର ହଜାର ସଂଖ୍ୟାରେ ଡ୍ରାଇଭର ଧାରଣାରେ ବସିଛନ୍ତି। ଦାବିପୂରଣ ନ ହେଲା ଯାଏଁ ରାଜଧାନୀ ଛାଡ଼ିବୁ ନାହିଁ ବୋଲି ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ଚେତାବନୀ ଦିଆଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
