ଭୁବନେଶ୍ବର: କିଛି ଘରୋଇ ବିଦ୍ୟାଳୟ ଗୁଡ଼ିକ ଶିକ୍ଷା ଅଧିକାର ଆଇନ ଉଲ୍ଲଙ୍ଘନ କରିଥିବା ଅଭିଯୋଗ ହୋଇଛି । ଏନେଇ ଏନ୍ସିପିସିଆର ପକ୍ଷରୁ ଗଣଶିକ୍ଷା ବିଭାଗକୁ ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଛି । ରାଜ୍ୟରେ ଥିବା ଡିଏଭି ସ୍କୁଲ ଗୁଡ଼ିକରେ ଏନ୍ସିପିସିଆର ପାଠ୍ୟକ୍ରମକୁ ଠିକ୍ ଭାବେ ଲାଗୁ କରାଯାଉ ନ ଥିବା ନେଇ ଓଡ଼ିଶା ଅଭିଭାବକ ମହାସଂଘ ଅଧ୍ୟକ୍ଷ ବାସୁଦେବ ଭଟ୍ଟ ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ(ଏନ୍ସିପିସିଆର) ନିକଟରେ ଅଭିଯୋଗ କରିଥିଲେ।
ଏହାକୁ ଆଧାର କରି ଏସିପିସିଆର ପକ୍ଷରୁ ଆଜି ବିଦ୍ୟାଳୟ ଓ ଗଣଶିକ୍ଷା ପ୍ରମୁଖ ଶାସନ ସଚିବଙ୍କଠାରୁ ରିପୋର୍ଟ ମଗାଯାଇଛି। ଆୟୋଗର ରେଜିଷ୍ଟାର ଅନୁ ଚୌଧୁରୀ ଲେଖିଥିବା ଚିଠିରେ ଉଲ୍ଲେଖ କରିଛନ୍ତି ଯେ ଡିଏଭି ବିଦ୍ୟାଳୟ ଗୁଡ଼ିକ ଦ୍ଵାରା ଶିକ୍ଷା ଅଧିକାର ଆଇନ-2009ର ଧାରା 29କୁ ଉଲ୍ଲଂଘନ କରାଯାଇଛି।
ଉକ୍ତ ସ୍କୁଲ ଗୁଡ଼ିକ ଏନ୍ସିପିସିଆର ପାଠ୍ୟକ୍ରମ ଅନୁସରଣ ନକରି ନିମ୍ନମାନର ବହି ସମେତ ନିଜସ୍ବ ବ୍ରାଣ୍ଡ୍ ପୁସ୍ତକ ବ୍ୟବହାର କରିବାକୁ କହୁଥିବା ଭଟ୍ଟ ଅଭିଯୋଗ କରିଛନ୍ତି । ତେଣୁ ଅଭିଯୋଗର ତଦନ୍ତ କରି ଆସନ୍ତା ୩୦ ଦିନ ମଧ୍ୟରେ ଆୟୋଗଙ୍କ ନିକଟରେ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
