ଭୁବନେଶ୍ବର: ରାଜ୍ୟରେ ନିର୍ବାଚନ ସମୟରେ ଦେଖାଦେଇଥିବା ହିଂସା ପ୍ରସଙ୍ଗରେ ବିଜେଡି ମୁଖ୍ୟ ସଚେତକ ପ୍ରମିଳା ମଲ୍ଲିକ ଆଜି ମୁହଁ ଖୋଲିଛନ୍ତି । ପ୍ରମିଳା ମଲ୍ଲିକ କହିଛନ୍ତି ଆଇନ ଶୃଙ୍ଖଳା ରାଜ୍ୟରେ କୌଣସି ସ୍ଥାନରେ ବିପର୍ଯ୍ୟସ୍ତ ହୋଇନାହିଁ। ଯୋଉଠି କିଛି ହୋଇଛି ପୋଲିସ ପଦକ୍ଷେପ ନେଉଛି । ହିଂସା ଯେଉଁଠି ହୋଇଛି ବିଜେପି କରିଛି ।
ପ୍ରମିଳା ମଲ୍ଲିକ ଆହୁରି କହିଛନ୍ତି ମୋ ନିର୍ବାଚନ ମଣ୍ଡଳୀରେ ଗତକାଲି ହୋଇଥିବା ହିଂସା ବିଜେପି ହିଁ କରିଛି । ରାଜ୍ୟରେ ଯେଉଁଠି ବି ହିଂସା ହେଉଛି ସେଠି ତାଙ୍କ ପ୍ରାର୍ଥୀ ଓ ସମର୍ଥକ ମାନେ ହିଁ କରୁଛନ୍ତି। ଯଦି ତାଙ୍କ ନିକଟରେ ପ୍ରମାଣ ଅଛି ଦେଖାନ୍ତୁ। ସେମାନେ କ୍ଷମତା ଲୋଭରେ ହିଁ ହିଂସା କରୁଛନ୍ତି ବୋଲି ପ୍ରମିଳା ବିଜେପିକୁ ଆକ୍ରମଣ କରିଛନ୍ତି ।