ଭୁବନେଶ୍ବର: ଓଡିଶା ଆସିବେ ମଲ୍ଲିକାର୍ଜୁନ ଖଡଗେ । ଆଜି ଓଡିଶା ଆସିବେ ଅଖିଳ ଭାରତୀୟ କଂଗ୍ରେସ କମିଟିର ସଭାପତି ପ୍ରାର୍ଥୀ ମଲ୍ଲିକାର୍ଜୁନ ଖଡଗେ (Mallikarjun Kharge) । ନିଜ ପ୍ରଚାର ପାଇଁ ଓଡିଶା ଆସିବେ ଖଡଗେ ।
ଦୀର୍ଘ 22 ବର୍ଷ ପରେ ଅଖିଳ ଭାରତୀୟ କଂଗ୍ରେସ କମିଟି (Aicc President Election)ର ସଭାପତି ନିର୍ବାଚନ ଚଳିତ ମାସରେ ହେଉଛି । ସଭାପତି ପଦ ପାଇଁ କଂଗ୍ରେସର ଦୁଇ ବରିଷ୍ଠ ନେତା ତଥା ସାଂସଦ ମଲ୍ଲିକାର୍ଜୁନ ଖଡଗେ ଓ ସାଂସଦ ଶଶୀ ଥରୁର (Shashi Tharoor) ନିର୍ବାଚନ ଲଢୁଛନ୍ତି । ନିଜ ନିଜ ସମର୍ଥନ ପାଇଁ ଉଭୟ ନେତା ସମସ୍ତ ରାଜ୍ୟ ଗସ୍ତ କରି ନିଜ ସପକ୍ଷରେ ପ୍ରଦେଶ କଂଗ୍ରେସ କମିଟିର ସମର୍ଥନ ଲୋଡୁଛନ୍ତି ।
ଏହି ପରିପ୍ରେକ୍ଷୀରେ ମଲ୍ଲିକାର୍ଜୁନ ଖଡଗେ ଆଜି (ଶୁକ୍ରବାର) ଓଡିଶା ଆସିବେ । ଭୁବନେଶ୍ବର ସ୍ଥିତ ପ୍ରଦେଶ କଂଗ୍ରେସ କାର୍ଯ୍ୟାଳୟରେ ରାଜ୍ୟ ନେତାମାନଙ୍କୁ ସାକ୍ଷାତ କରି ନିଜ ସମର୍ଥନରେ ଭୋଟ ମାଗିବେ । ଆସନ୍ତା 17 ତାରିଖରେ ଏଆଇସିସି ଅଧ୍ୟକ୍ଷ ନିର୍ବାଚନ ହେବ ।
ଇଟିଭି ଭାରତ, ଭୁବନେଶ୍ବର
