ଭୁବନେଶ୍ବର: ବାପା ମାଆ ଛେଉଣ୍ଡ ପିଲାଙ୍କ ପାଇଁ ଶିଶୁ ସୁରକ୍ଷା ଯୋଜନା । ଚଳିତ ମାସ 15 ତାରିଖ ପରେ ବାପା ମାଆ ଛେଉଣ୍ଡ ପିଲାମାନେ ଆଶୀର୍ବାଦ ଯୋଜନା ବଦଳରେ ସରକାରଙ୍କ ବିଭିନ୍ନ ଶିଶୁ ସୁରକ୍ଷା ଯୋଜନାରେ ସାମିଲ ହେବେ । ରାଜ୍ୟ ଆଇସିଡିଏସ୍(ICDS) ନିର୍ଦ୍ଦେଶକ ଅରବିନ୍ଦ ଅଗ୍ରୱାଲ ଜିଲ୍ଲାପାଳମାନଙ୍କୁ ଏହି ମର୍ମରେ ଆଜି ପତ୍ର ଲେଖିଛନ୍ତି ।
ରାଜ୍ୟରେ କୋରୋନା ମୃତ୍ୟୁ ହ୍ରାସ ପାଉଛି । ଏହାକୁ ଦୃଷ୍ଟିରେ ରଖି ଜିଲ୍ଲାପାଳମାନଙ୍କୁ ଚିଠି ଲେଖିଛନ୍ତି ICDS ନିର୍ଦ୍ଦେଶକ ଅରବିନ୍ଦ ଅଗ୍ରୱାଲ । ସେ ଚିଠିରେ ଦର୍ଶାଇଛନ୍ତି ଯେ, 'କୋଭିଡ ମହାମାରୀ ସମୟରେ ପିତାମାତାଙ୍କୁ ହରାଇ ବାପା ମାଆ ଛେଉଣ୍ଡ ହୋଇଥିବା ପିଲାମାନଙ୍କ ମଙ୍ଗଳ ପାଇଁ ଆଶୀର୍ବାଦ ଯୋଜନା ଆରମ୍ଭ ହୋଇଥିଲା । ଏହି ଯୋଜନାରେ ଅନ୍ୟ ସହାୟତା ସହିତ ପିଲାଙ୍କୁ ମାସିକ ଆର୍ଥିକ ସହାୟତାର ବ୍ୟବସ୍ଥା ରହିଛି ।'
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
