ଭୁବନେଶ୍ବର: ବାତ୍ୟା 'ଫନି'କୁ ବିତିଯାଇଛି 7 ମାସ । ହେଲେ ଫନି ଦେଇଯାଇଥିବା ଦୁଃଖ ଦୁର୍ଦ୍ଦଶାରୁ ବର୍ତ୍ତିପାରିନାହାନ୍ତି ଅନେକ ପରିବାର । ପୁରୀ ଜିଲ୍ଲା ଏହି ବାତ୍ୟାରେ ଅଧିକ କ୍ଷତିଗ୍ରସ୍ତ ହୋଇଥିବାବେଳେ ଯୋଗ୍ୟ ପରିବାରଙ୍କୁ ଏଯାବତ୍ ମିଳିନାହିଁ ସରକାରୀ ସହାୟତା । ସେପଟେ କିନ୍ତୁ ଅଯୋଗ୍ୟ ପରିବାରଙ୍କୁ ସରକାରୀ ସହାୟତା ରାଶି ଦିଆଯାଇଥିବା ଅଭିଯୋଗ ହୋଇଛି । ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ସୂଚନାନୁସାରେ, ବାତ୍ୟା 'ଫନି' ପରେ କେନ୍ଦ୍ରୀୟ ଟିମ ତଦନ୍ତ ପାଇଁ ଆସିଥିଲେ । ତଦନ୍ତ ହେଲା ସମ୍ପୂର୍ଣ୍ଣ ତଥ୍ୟ ବି ନିଆଗଲା ହେଲେ ସହାୟତା ମିଳିଲାନାହିଁ । ଯାହାର ଫଳସ୍ବରୂର ଆଜି ବି କିଛି ପରିବାର ଜରି ପାଲ ବାନ୍ଧି ଜୀବନ ବିତାଉଛନ୍ତି । ତେବେ ଏନେଇ ତହସିଲଦାର ଓ ବ୍ଲକ ସ୍ତରରେ ରହୁଥିବା ଅଧିକାରୀଙ୍କୁ ଅଭିଯୋଗ ହୋଇଥିଲେ ମଧ୍ୟ କୌଣସି ସୁଫଳ ପାଇପାରିନାହାନ୍ତି ଫନି କ୍ଷତିଗ୍ରସ୍ତ ପରିବାର । ଫଳରେ ବାଧ୍ୟ ହୋଇ କିଛି ହିତାଧିକାରୀ ମଙ୍ଗଳବାର ରାଜ୍ୟ ଲୋକାୟୁକ୍ତ କମିଶନଙ୍କୁ ଭେଟିବା ସହ ସଠିକ ଭାବରେ ତଦନ୍ତ କରି ଘର ଭଙ୍ଗା ସହାୟତା ରାଶି ଦେବା ପାଇଁ ଦାବି କରିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
