ଭୁବନେଶ୍ବର: ରାଜଧାନୀରେ ଅଘଟଣ । ବିଏମସି ଅଳିଆ ବୋଝେଇ ଟ୍ରକ ଧକ୍କାରେ ଇଣ୍ଡୋକୋ ମେଡିସିନର ଏରିଆ ମ୍ୟାନେଜର ମୃତ । ଏଭଳି ଘଟଣା ଘଟିଛି ଇନଫୋସିଟି ଥାନା ଅଧୀନସ୍ଥ ମାଗ୍ନେଟ ଛକରେ । ଏରିଆ ମ୍ୟାନେଜରଙ୍କ ନାମ ବିଶ୍ବଜିତ ସ୍ବାଇଁ ହୋଇଥିବା ବେଳେ ସେ ଜୟଦେବ ବିହାରରୁ ନନ୍ଦନକାନନ ଅଭିମୁଖେ ଯାଉଥିଲେ । କମିଶନରେଟ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ, ଇଣ୍ଡୋକୋ ମେଡିସିନର ଭୁବନେଶ୍ବର ଏରିଆ ମ୍ୟାନେଜର ବିଶ୍ବଜିତ ସ୍ବାଇଁ ନିଜ ବାଇକ(ଗାଡିନଂ-OR01R 2022)ରେ ଜୟଦେବ ବିହାରରୁ ନନ୍ଦନକାନନ ଅଭିମୁଖେ ଯାଉଥିଲେ । ମାଗ୍ନେଟ ଛକରେ ବିଏମସିର ଏକ ଡମ୍ଫର(ଗାଡି ନଂ-OR04M0533) ତାଙ୍କୁ ପଛପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ବିଶ୍ବଜିତଙ୍କର ମୃତ୍ୟୁ ହୋଇଥିଲା । ଏନେଇ ଇନଫୋସିଟି ଥାନା ଏକ ଦୁର୍ଘଟଣାଜନିତ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ସମ୍ପୃକ୍ତ ଗାଡିର ଫିଟନେସ ତଥା ଗାଡିର ପରମିଟ ଓ ଅନ୍ୟାନ୍ୟ କାଗଜପତ୍ର ସଠିକ ଥିଲା କି ନାହିଁ ତଥା କେଉଁ କାରଣରୁ ଦୁର୍ଘଟଣା ହୋଇଛି ସେ ସଂପର୍କରେ କମିଶନରେଟ ପୋଲିସ ଯାଞ୍ଚ କରୁଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
