ଭୁବନେଶ୍ବର: ରାଜ୍ୟରେ ପହଞ୍ଚିଲା 9 ଲକ୍ଷରୁ ଉର୍ଦ୍ଧ୍ବ କୋଭିସିଲ୍ଡ ଟିକା । ଆଜି(ଶୁକ୍ରବାର) ରାଜ୍ୟକୁ 9 ଲକ୍ଷ 43 ହଜାର 930 କୋଭିସିଲ୍ଡ ଟିକା ଆସିଛି । ଟିକାର ଅଭାବ ଯୋଗୁଁ ଅନେକ ଜିଲ୍ଲାରେ ଟୀକାକରଣ ସମ୍ଭବ ହୋଇପାରୁ ନଥିଲା । ଆଜି ପୁଣି ଟିକା ଆସିବା ପରେ ଟୀକାକରଣ ସ୍ବାଭାବିକ ହେବ ।
ଗତକାଲି(ଗୁରୁବାର) ଓଡିଶାକୁ 1 ଲକ୍ଷ କୋଭିସିଲ୍ଡ ଟିକା ଆସିଥିଲା । ତେବେ ଆଜି ପୁଣି କୋଭିସିଲ୍ଡ ଆସିବା ପରେ ଟୀକାକରଣ ବନ୍ଦ ଥିବା ଜିଲ୍ଲାଗୁଡିକରେ ଟୀକାକରଣ ଆରମ୍ଭ ହେବ । ଏହି ଟିକାକୁ ଆଜି ରାଜ୍ୟର ବିଭିନ୍ନ ଜିଲ୍ଲାର ଟୀକାକରଣ କେନ୍ଦ୍ରକୁ ରାତି ସୁଦ୍ଧା ପଠାଯିବ ।
ସୂଚନାଥାଉ କି, ରାଜ୍ୟରେ ଟିକା ମହଜୁତ ନଥିବାରୁ ଗତକାଲି(ଗୁରୁବାର) 16ଟି ଜିଲ୍ଲା ଏବଂ ଆଜି 7ଟି ଜିଲ୍ଲାରେ ଟୀକାକରଣ ସମ୍ପୂର୍ଣ ଭାବରେ ବନ୍ଦ ରହିଥିଲା ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
