ଭୁବନେଶ୍ବର: 60 ବର୍ଷରେ ପଦାର୍ପଣ କରିଛି ନନ୍ଦନକାନନ ପ୍ରାଣୀ ଉଦ୍ୟାନ । 29 ଡିସେମ୍ବର 1960ରେ ପ୍ରତିଷ୍ଠା ହୋଇଥିଲା ଏହି ପ୍ରାଣୀ ଉଦ୍ୟାନ । ରାଜଧାନୀ ଭୁବନେଶ୍ବରର ହୃଦୟରେ ଥିବା ନନ୍ଦନକାନନ ପ୍ରାଣୀ ଉଦ୍ୟାନ ସମୟକ୍ରମେ ପାଲଟିଛି, ଓଡିଶାର ଅନ୍ୟତମ ପରିଚୟ ।
ପ୍ରତିଷ୍ଠା ଦିବସ ଅବସରରେ, ନନ୍ଦନକାନନର ନିର୍ଦ୍ଦେଶକ ଶଶି ପଲ୍, ପ୍ରଧାନ ମୁଖ୍ୟ ବନ୍ୟ ସଂରକ୍ଷକ ହରିଶଙ୍କର ଉପାଧ୍ୟାୟ, ଜଟଣୀ ବିଧାୟକ ସୁରେଶ କୁମାର ରାଉତରାୟ ଓ ଉତ୍ତର ଭୁବନେଶ୍ବର ବିଧାୟକ ସୁଶାନ୍ତ ରାଉତ ଉପସ୍ଥିତ ରହିବେ । ପ୍ରତିଷ୍ଠା ଦିବସରେ ଗଧିଆ ମାନଙ୍କ ପାଇଁ ଓ ବିଦେଶୀ ମାଙ୍କଡ ମାନଙ୍କ ପାଇଁ ନୂଆକରି 2ଟି ଏନକ୍ଲୋଜରର ଶୁଭାରମ୍ଭ ହେବ ।
ପ୍ରତିଷ୍ଠା ଦିବସରେ ନନ୍ଦନକାନନରେ ଥିବା ବାଘୁଣୀ ରେଣୁକା ଓ ତାର ଦୁଇ ଛୁଆଙ୍କୁ ଏନକ୍ଲୋଜରରେ ଛଡାଯିବ । ଏହାକୁ ପର୍ଯ୍ୟଟକ ମାନେ ଦେଖିପାରିବେ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
