ଭୁବନେଶ୍ବର: ରାଜ୍ୟରେ ଧିରେ ଧିରେ ଆକ୍ରାନ୍ତଙ୍କ ତୁଳନାରେ ବଢିବାରେ ଲାଗିଛି ସୁସ୍ଥଙ୍କ ସଂଖ୍ୟା । ଏହି କ୍ରମରେ ରବିବାର ରାଜ୍ୟରେ ଆହୁରି 390 ଜଣ ସୁସ୍ଥ ହୋଇଥିବା ଜଣାପଡିଛି । ଏଥିସହ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା 8750ରେ ପହଞ୍ଚିଥିବା ଜଣା ପଡିଛି । ଆଗକୁ ଏହି ସଂଖ୍ୟା ଆହୁରି ବଢିବା ନେଇ ସରକାର ଆଶା ରଖିଥିବା ବେଳେ କୋରୋନା ମୁକାବିଲାରେ ରାଜ୍ୟର ସଫଳତା ରାଜ୍ୟବାସୀଙ୍କୁ ଆଶ୍ବସ୍ତ କରିଛି ।
ସୂଚନା ମୁତାବକ ରବିବାର 20ଟି ଜିଲ୍ଲାର 390 ଜଣ ସୁସ୍ଥ ହୋଇଛନ୍ତି । ଏମାନଙ୍କ ମଧ୍ୟରେ ଗଞ୍ଜାମରେ 106, କଟକରେ 71, ମୟୂରଭଞ୍ଜରେ 38, ସୁନ୍ଦରଗଡରେ 38, ସମ୍ବଲପୁରରେ 22, ଖୋର୍ଦ୍ଧାରେ 15, ବାଲେଶ୍ବରରେ 9, ବରଗଡରେ 6, ଅନୁଗୋଳ, କଳାହାଣ୍ଡି ଓ କେନ୍ଦ୍ରାପଡାରେ 5, ଜଗତସିଂହପୁର ଓ କୋରାପୁଟରେ 4ଜଣ, ଭଦ୍ରକ, ବୌଦ୍ଧ ଓ କେନ୍ଦୁଝରରେ 3 ଜଣଙ୍କ ସମେତ, ନୟାଗଡ ଓ ପୁରୀରେ ଜଣେ ଲେଖାଏଁ ସୁସ୍ଥ ହୋଇଛନ୍ତି ।
ଗୋଟିଏ ପଟେ ରାଜ୍ୟରେ ବଢି ଚାଲିଥିବା କୋରୋନା ସଂକ୍ରମଣର ମୁକାବିଲା ପାଇଁ ଦିନରାତି କୋରୋନା ଯୋଦ୍ଧାମାନେ ଲାଗି ପଡିଥିବା ବେଳେ ଅନ୍ୟପଟେ ବିଗତ କିଚି ଦିନ ହେବ ଏହାର ସୁଫଳ ଦେଖିବାକୁ ମିଳୁଛି । ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ 8750 ଜଣ ସୁସ୍ଥ ହୋଇଥିବା ବେଳେ ଏହି ସଂଖ୍ୟା ପାଇଁ ରାଜ୍ୟବାସୀ ସାମାନ୍ୟ ଆଶ୍ବସ୍ତ ହୋଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
