ଭୁବନେଶ୍ବର: କୋରୋନା ମୁକାବିଲାରେ ରାଜ୍ୟକୁ ମିଳିଛି ପୁଣି ଏକ ସଫଳତା । ଶନିବାର ରାଜ୍ୟରେ ଏକକାଳୀନ 388 ଜଣ ଆକ୍ରାନ୍ତ ସୁସ୍ଥ ହୋଇଥିବା ଜଣା ପଡିଛି । ଏଥିସହ ରାଜ୍ୟରେ ମୋଟ ସୁସ୍ଥ ସଂଖ୍ୟା 8360ରେ ପହଞ୍ଚିଛି । ଯାହା ରାଜ୍ୟବାସୀଙ୍କୁ ପୁଣି ଆଶ୍ବସ୍ତ କରିଛି । ସେପଟେ ଶନିବାର ରାଜ୍ୟର 17ଟି ଜିଲ୍ଲାରୁ ଏହି 388 ଜଣ ଆକ୍ରାନ୍ତ ସୁସ୍ଥ ହୋଇଥିବା ପ୍ରକାଶ କରାଯାଇଛି ।
ସୂଚନା ମୁତାବକ କିଛି ଦିନ ହେବ ରାଜ୍ୟରେ ଆକ୍ରାନ୍ତ ସଂଖ୍ୟା ବଢି ଚାଲିଥିବା ବେଳେ ଅପରପାର୍ଶ୍ବରେ ବଢି ଚାଲିଛି ସୁସ୍ଥଙ୍କ ସଂଖ୍ୟା । କେବଳ ଶନିବାର ନୁହେଁ ବିଗତ 4 ଦିନ ହେବ ରାଜ୍ୟରେ କ୍ରମାଗତ ଭାବେ ଅଧିକ ସଂଖ୍ୟକ ଆକ୍ରାନ୍ତ ସୁସ୍ଥତା ଲାଭ କରୁଥିବା ଦେଖାଯାଉଛି । ଯାହା ରାଜ୍ୟବାସୀଙ୍କୁ ସାମାନ୍ୟ ଆଶ୍ବସ୍ତ କରିଛି ।
ସେପଟେ ସୁସ୍ଥ ହୋଇଥିବା 388ଜଣଙ୍କ ମଧ୍ୟରେ ଗଞ୍ଜାମରେ 187, ଖୋର୍ଦ୍ଧାରେ 37, କେନ୍ଦୁଝରରେ 31, ଯାଜପୁରରେ 27, କଟକରେ 26, ନୟାଗଡରେ 18, ପୁରୀ 16, ସମ୍ବଲପୁରରେ 14, ବାଲେଶ୍ବରରେ 11, ଅନୁଗୋଳରେ 8, କେନ୍ଦ୍ରାପଡାରେ 6, ଗଜପତି ଓ ଝାରସୁଗୁଡାରେ 2 ଜଣ ଲେଖାଏଁ ଓ ବରଗଡ, ଭଦ୍ରକ ଓ ଦେବଗଡରେ ଜଣେ ଲେଖାଏଁ ସୁସ୍ଥ ହୋଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
