ଭୁବନେଶ୍ବର: ବିଧାନସଭା ସାମ୍ନାରେ ପରୀ ବାପା-ମା’ ଆତ୍ମହତ୍ୟା ଉଦ୍ୟମ ଘଟଣାର ଦୁଇ ଦିନ ପରେ ପୁଣି ବିଧାନସଭା ସାମ୍ନାରେ ସମାନ ଘଟଣାର ପୁନରାବୃତ୍ତି ହୋଇଛି । ଏଥର ଆତ୍ମହୁତି ପାଇଁ ଉଦ୍ୟମ କରିଛନ୍ତି ଅନ୍ନଦାତା । 3ଜଣ ଚାଷୀ ବିଧାନସଭା ସାମ୍ନାରେ ଦେହରେ କିରୋସିନ ଢାଳି ଆତ୍ମହୁତି ଉଦ୍ୟମ କରିଛନ୍ତି । ହେଲେ କିରୋସିନ ଢାଳିବା ବେଳେ ଚାଷୀଙ୍କୁ କାବୁ କରିନେଇଛନ୍ତି ଉପସ୍ଥିତ ସୁରକ୍ଷାକର୍ମୀ ।
ଏମାନେ ସମସ୍ତେ ଆଠଗଡର ବୋଲି ଜଣାପଡିଛି । ସେମାନଙ୍କ ନାମରେ ଆଠଗଡ ସମବାୟ ବ୍ୟାଙ୍କରୁ କେହି ଚଞ୍ଚକତା କରି ଲକ୍ଷ ଲକ୍ଷ ଟଙ୍କା ଉଠାଇଥିବା ଅଭିଯୋଗ କରିଛନ୍ତି । ଫଳରେ ସେମାନେ ଆତ୍ମହୁତି ଉଦ୍ୟମ କରୁଥିବା ସମୟରେ ସେମାନଙ୍କ ପୋଲିସ ଅଟକ ରଖିଛି ।
ଫଳରେ ନ୍ୟାୟ ପାଇଁ ଆଗରୁ ରାଜସ୍ବ ମନ୍ତ୍ରୀ ରାଜା ସ୍ବାଇଁଙ୍କ ବାସଭବନ ସମ୍ମୁଖରେ ବିକ୍ଷୋଭ କରିଥିଲେ । ହେଲେ କେହି ସେମାନଙ୍କ କଥା ଶୁଣି ନଥିଲେ। ଶେଷରେ ଅନ୍ୟଉପାୟ ନ ପାଇ ଆତ୍ମହୁତି ଉଦ୍ୟମ କରିଥିବା ସୂଚନା ରହିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ ଓ ତପନ ଦାସ, ଇଟିଭି ଭାରତ
