ଭୁବନେଶ୍ବର: ମାର୍ଚ୍ଚ 5 ପଞ୍ଚାୟତରାଜ ଦିବସ । ଅର୍ଥାତ ଗୁରୁବାରଠାରୁ ହିତାଧିକାରୀଙ୍କୁ ମିଳିବ ପକ୍କାଘର ଯୋଗ୍ୟତା କାର୍ଡ । ମୁଖ୍ୟମନ୍ତ୍ରୀ ଏହାର ଶୁଭରମ୍ଭ କରିବେ । ପ୍ରାୟ 20 ଲକ୍ଷ ହିତାଧିକାରୀଙ୍କୁ ଏହି କାର୍ଡ ଦିଆଯିବ । ପର୍ଯ୍ୟାୟ କ୍ରମେ ସବୁ ହିତାଧିକାରୀ ଘର ପାଇବେ । କାର୍ଡ ତାଲିକା ଅନୁସାରେ ଏହି ଘର ନିର୍ମାଣ କରାଯିବ ।
ପଞ୍ଚାୟତରାଜ ଦିବସରୁ ମିଳିବ ଯୋଗ୍ୟତା କାର୍ଡ
ବିଭାଗୀୟ ମନ୍ତ୍ରୀଙ୍କ ସୂଚନା ଅନୁସାରେ ମାର୍ଚ୍ଚ 31 ସୁଦ୍ଧା ସବୁ ହିତାଧିକାରୀଙ୍କୁ କାର୍ଡ ବଣ୍ଟାଯିବ । 50ଟି ବିଧାନସଭା ନିର୍ବାଚନ ମଣ୍ଡଳୀରେ ମନ୍ତ୍ରୀମାନେ କାର୍ଡ ବାଣ୍ଟିବେ । ଏହାବାଦ ଯେଉଁମାନେ ରହିଯିବେ ସେମାନେ ସିଧାସଳଖ ବ୍ଲକ ଅଫିସରେ ଆବେଦନ କରିବେ । ଆବେଦନର ଯାଞ୍ଚ ପରେ ସେମାନେ ଯଦି ଯୋଗ୍ୟ ଥିବେ ତେବେ ତାଙ୍କୁ ଘର ମିଳିବ।
