ଭୁବନେଶ୍ବର: କାୟା ବିସ୍ତାର କରିଚାଲିଛି ଓମିକ୍ରନ(Omicron Odisha Update) । ପୁଣି ରାଜ୍ୟରୁ ଆଉ ୨ ଜଣ ପଜିଟିଭ ଚିହ୍ନଟ । ଚିହ୍ନଟ ହୋଇଥିବା ସଂକ୍ରମିତ ଦ୍ବୟ ନାବାଳିକା ହୋଇଥିବା ସୂଚନା । ଉଭୟ ଗତ ୧୩ରେ ନାଇଜେରିଆରୁ ଫେରିଥିଲେ ।
Omicron Update: ପୁଣି ରାଜ୍ୟରୁ ୨ ଓମିକ୍ରନ ଚିହ୍ନଟ
ଏହା ମଧ୍ୟ ପଢନ୍ତୁ:- Omicron Hits Odisha: ରାଜ୍ୟରେ 2 ପଜିଟିଭ ଚିହ୍ନଟ
ଖବର ଅନୁଯାୟୀ ଓମିକ୍ରନ ପୁଣି ଓଡିଶାରୁ ଚିହ୍ନଟ ହୋଇଥିବା ୨ ସଂକ୍ରମିତ ଯଥାକ୍ରମେ 11 ଏବଂ 15 ବର୍ଷୀୟ ନାବାଳିକା । ସମ୍ପର୍କରେ ଆସିଥିବା ପରିବାରର ଅନ୍ୟ ସମସ୍ତଙ୍କର ଟେଷ୍ଟ କରାଯାଇଥିବା ଜନସ୍ବାସ୍ଥ୍ଯ ନିର୍ଦ୍ଦେଶକ ନିରଞ୍ଜନ ମିଶ୍ର କହିଛନ୍ତି । ସେ କହିଛନ୍ତି ଯେ, 'ସଂକ୍ରମିତ ଚିହ୍ନଟ ହୋଇଥିବା ୨ ଝିଅଙ୍କ ବାପା-ମାଆ ଏବଂ ଡ୍ରାଇଭରଙ୍କ ରିପୋର୍ଟ ନେଗେଟିଭ ଆସିଛି । ସରକାରଙ୍କ ନିୟମ ଅନୁଯାୟୀ ସେମାନେ ସଙ୍ଗରୋଧରେ ଅଛନ୍ତି । ବିମାନ ବନ୍ଦରରୁ ସିଧାସଳଖ ସେମାନେ ଟ୍ୟାକ୍ସି ଯୋଗେ ଘରକୁ ଯାଇଥିଲେ । ସମସ୍ତଙ୍କର ସ୍ୱାସ୍ଥ୍ୟ ଅବସ୍ଥା ଠିକ ଅଛି ।'
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
