ଭୁବନେଶ୍ବର: କୋରୋନାକୁ ପ୍ରତିହତ କରିବାକୁ ଦେଶବ୍ୟାପୀ ଟୀକାକରଣ ଜାରି ହୋଇଛି । ଲୋକମାନେ ଇଚ୍ଛୁକ ଭାବେ ଟୀକାକରଣ କାର୍ଯ୍ୟକ୍ରମରେ ସାମିଲ ହୋଇଛନ୍ତି । ଟିକା ନେବା ପରେ ମଧ୍ୟ ଅନେକ ଲୋକ କୋରୋନାରେ ସଂକ୍ରମିତ ହୋଇଥିବା ନଜରକୁ ଆସିଛି । ଏବେ ସୁଦ୍ଧା ରାଜ୍ୟରେ ଟିକା ନେଇଥିବା ଲୋକଙ୍କ ମଧ୍ୟରୁ 0.13% ଲୋକ ସଂକ୍ରମିତ ହୋଇଥିବା ସର୍ଭେରୁ ଜଣାପଡିଛି ।
ଏବେ ସୁଦ୍ଧା ରାଜ୍ୟରେ 1 କୋଟି 24 ଲକ୍ଷ 91 ହଜାର 502 ଡୋଜ୍ ଟିକା ପ୍ରଦାନ ସରିଛି । ଏତିକି ଡୋଜ ଟିକା ନେଇଥିବା ସମସ୍ତଙ୍କ ମଧ୍ୟରୁ ପ୍ରଥମ ଡୋଜ ଟିକା ନେଇଥିବା 9154ଜଣ ଓ ଦ୍ବିତୀୟ ଡୋଜ ନେଇଥିବା 7806ଜଣ କୋରୋନାରେ ସଂକ୍ରମିତ ହୋଇସାରିଛନ୍ତି । ପ୍ରତିଶତ ମୁତାବକ ପ୍ରଥମ ଡୋଜ ନେବା ପରେ 0.09% ଓ ଦ୍ବିତୀୟ ଡୋଜ ନେବା ପରେ 0.31% ସଂକ୍ରମିତ ହୋଇଛନ୍ତି ।
ତେବେ ଟିକା ନେବା ପରେ ରାଜ୍ୟରେ ସମୁଦାୟ 16,960ଜଣ କୋରୋନାରେ ସଂକ୍ରମିତ ହୋଇଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ,ଇଟିଭି ଭାରତ
