ଭୁବନେଶ୍ବର: ଆଶ୍ବସ୍ତିକର ଖବର । ରାଜ୍ୟରେ ଗୁରୁବାର 168 ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ।
ଗୁରୁବାର ସକାଳେ ରାଜ୍ୟରେ 210 ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସନ୍ଧ୍ୟାରେ 168 ସୁସ୍ଥ ହୋଇଛନ୍ତି । ତେବେ ରାଜ୍ୟରେ ମୋଟ 4291 ଜଣ ଆକ୍ରାନ୍ତ ସୁସ୍ଥ ହୋଇଥିବା ଖବର ଆସିଛି । କୋରୋନା ନିୟନ୍ତ୍ରଣ ପ୍ରଶାସନ ପାଇଁ ମୁଣ୍ଡବିନ୍ଧାର କାରଣ ପାଲଟିଛି । ଏବେ ରାଜ୍ୟରେ 17 ଟି ଜିଲ୍ଲାରେ 168 ଜଣ ସୁସ୍ଥ ହୋଇଛନ୍ତି । ଗଞ୍ଜାମରେ ସର୍ବାଧିକ ସୁସ୍ଥ ହୋଇଛନ୍ତି ।
ଗଞାଜାମରେ 39 ଓ ଖୋର୍ଦ୍ଧାରେ 23 ଜଣ ସୁସ୍ଥ ହୋଇଛନ୍ତି । ସେହିପରି ଭାବରେ ଗଜପତିରେ 23, ପୁରୀରେ 19, ବରଗଡରେ 13, ସୁନ୍ଦରଗଡରେ 8, ବାଲେଶ୍ବରରେ 7, ଭଦ୍ରକ ଓ ରାୟଗଡାରେ 5 ଲେଖାଏଁ ସୁସ୍ଥ ହୋଇଛନ୍ତି । ମାଲକାନଗିରି, କେନ୍ଦ୍ରାପଡା, କେନ୍ଦୁଝର, ଜଗତସିଂହପୁର ଓ ସୋନପୁରରେ 4 ଜଣ ସୁସ୍ଥ ହୋଇଥିବା ବେଳେ ଅନୁଗୋଳରେ 3, ଢେଙ୍କାନାଳରେ 2 ଜଣ ଓ ଝାରସୁଗୁଡାରେ ଜଣେ ମାତ୍ର ସୁସ୍ଥ ହୋଇଛନ୍ତି । ତେବେ ରାଜ୍ୟରେ ସୁସ୍ଥ ସଂଖ୍ୟା 4291 ରେ ପହଞ୍ଚିଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
