ଭୁବନେଶ୍ବର: ରାଜ୍ୟରେ ଖସୁଛି କୋରୋନା ଗ୍ରାଫ । ହେଲେ ବଢୁଛି ମୃତ୍ୟୁ ସଂଖ୍ୟା । ଆଜି ରାଜ୍ୟରେ 16 ଜଣଙ୍କ ଜୀବନ ନେଲା କିଲର ଭାଇରସ । ଫଳରେ ରାଜ୍ୟରେ କୋରୋନା ଜନିତ ମୃତ୍ୟୁ ସଂଖ୍ୟା 16ଶହ ପାର କରିଛି । ଆଜିର 16ଜଣଙ୍କ ମୃତ୍ୟୁକୁ ମିଶାଇ ମୋଟ ମୃତ୍ୟୁ ସଂଖ୍ୟା 1608ରେ ପହଞ୍ଚିଛି ।
ଏହି 16ଜଣଙ୍କ ମଧ୍ୟରେ ବରଗଡରେ 65 ବର୍ଷର ପୁରୁଷଙ୍କର ମୃତ୍ୟୁ ଘଟିଛି । କଟକରେ 65 ବର୍ଷ, 74 ବର୍ଷର ମହିଳାଙ୍କର ମୃତ୍ୟୁ ଘଟିଥିବା ବେଳେ 60 ବର୍ଷର ପୁରୁଷଙ୍କର ମୃତ୍ୟୁ ଘଟିଛି । ଅନ୍ୟପଟେ ଗଂଜାମରେ 58 ବର୍ଷର 39 ବର୍ଷର ପୁରୁଷଙ୍କର ମୃତ୍ୟୁ ଘଟିଛି । ଜଗତସିଂହପୁରରେ 60 ବର୍ଷର ପୁରୁଷ, ଝାରସୁଗୁଡ଼ାରେ 65 ବର୍ଷର ପୁରୁଷ, ପୁରୀରେ 61 ବର୍ଷର ପୁରୁଷ, ସମ୍ବଲପୁରରେ 59 ବର୍ଷର ଓ 48 ବର୍ଷର ପୁରୁଷ, ସୁବର୍ଣ୍ଣପୁରରେ 38 ବର୍ଷର ପୁରୁଷ, ସୁନ୍ଦରଗଡରେ 66 ବର୍ଷର ପୁରୁଷ, 69 ବର୍ଷର ପୁରୁଷ ଓ 45 ବର୍ଷର ମହିଳା ଓ 46 ବର୍ଷର ପୁରୁଷଙ୍କର କୋରୋନାରେ ମୃତ୍ୟୁ ଘଟିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
