ଭୁବନେଶ୍ବର:ରାଜ୍ୟରେ କୋରୋନା ସଂକ୍ରମଣ କମୁଥିବା ବେଳେ ସ୍ଥିର ରହିଛି ମୃତ୍ୟୁ ସଂଖ୍ୟା । ଆଜି ପୁଣି 15 ଜଣଙ୍କର ମୃତ୍ୟୁ ହୋଇଛି । ଆଜକୁ ମିଶାଇ ରାଜ୍ୟରେ ମୋଟ ମୃତ୍ୟୁ ସଂଖ୍ୟା 1575 ରେ ପହଞ୍ଚିଛି । ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।
ତେବେ ମୃତକଙ୍କ ମଧ୍ୟରେ ବାଲେଶ୍ବରର 96 ବର୍ଷର ପୁରୁଷ, ଗଜପତିରୁ 54 ଓ 74 ବର୍ଷର ପୁରୁଷ, ଭୁବନେଶ୍ବରରୁ 70 ବର୍ଷର ପୁରୁଷ, କୋରାପୁଟର 75 ବର୍ଷର ପୁରୁଷ, କେନ୍ଦ୍ରାପଡାରୁ 54 ବର୍ଷର ପୁରୁଷ, ଯାଜପୁରର 70 ବର୍ଷର ମହିଳାଙ୍କ ମୃତ୍ୟୁ ଘଟିଛି । ସେହିପରି ସମ୍ବଲପୁରରୁ 50 ଓ 70 ବର୍ଷର ପୁରୁଷ, ମୟୂରଭଞ୍ଜରୁ 37 ବର୍ଷର ପୁରୁଷ, ସୁବର୍ଣ୍ଣପୁରରୁ 60 ବର୍ଷର ପୁରୁଷ ଓ 62 ବର୍ଷର ମହିଳା, ସୁନ୍ଦରଗଡ଼ରୁ 58 ଓ 70 ବର୍ଷର ପୁରୁଷ ଏବଂ 60 ବର୍ଷର ମହିଳାଙ୍କର ମୃତ୍ୟୁ ଘଟିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
