ଭୁବନେଶ୍ବର: ରାଜ୍ୟରେ କୋରୋନା ମୃତ୍ୟୁ ହାରରେ ଲାଗୁନି ବ୍ରେକ୍ । ଆଜି ପୁଣି 14 ଜଣଙ୍କ ଜୀବନ ନେଇଛି କୋରୋନା । ଏବେ ସୁଦ୍ଧା 1378 ଜଣଙ୍କର ମୃତ୍ୟୁ ହୋଇଥିବା ନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।
ମୟୂରଭଞ୍ଜରେ 60 ବର୍ଷର ପୁରୁଷ ଓ 90 ବର୍ଷର ପୁରୁଷଙ୍କର ମୃତ୍ୟୁ ଘଟିଥିବାବେଳେ 65 ବର୍ଷର ମହିଳାଙ୍କର ମୃତ୍ୟୁ ଘଟିଛି । ସେହିପରି ଭାବରେ ଭୁବନେଶ୍ବରରେ 66 ବର୍ଷ, 50 ବର୍ଷ ଓ 63 ବର୍ଷର ପୁରୁଷଙ୍କର ମୃତ୍ୟୁ ଘଟିଛି । ଗଞ୍ଜାମରେ 42 ବର୍ଷର ପୁରୁଷ, ନୟାଗଡରେ 81 ବର୍ଷର ପୁରୁଷ, ନବରଙ୍ଗପୁରରେ 28 ବର୍ଷର ଯୁବକ, କଟକରେ 62 ବର୍ଷର ମହିଳା ଓ 65 ବର୍ଷର ପୁରୁଷଙ୍କର ମୃତ୍ୟୁ ଘଟିଛି । ସେହିପରି ଭାବରେ ସମ୍ବଲପୁରରେ 70 ବର୍ଷର ମହିଳା ସୁନ୍ଦରଗଡରେ 83 ଓ 53 ବର୍ଷର ପୁରୁଷଙ୍କର ମୃତ୍ୟୁ ଘଟିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
