ଭୁବନେଶ୍ବର: ରାଜ୍ୟରେ ଆଜି ଆଉ 12 ଜଣଙ୍କ ଜୀବନ ନେଲା ମହାମାରୀ କୋରୋନା ଭାଇରସ । ଗୋଟେପଟେ ଦିନକୁ ଦିନ ସଂକ୍ରମଣ ହ୍ରାସ ପାଉଥିବା ବେଳେ ମୃତ୍ୟୁ ସଂଖ୍ୟାରେ କିନ୍ତୁ ଲାଗୁନି ବ୍ରେକ । ଦୈନିକ 10ରୁ ଊର୍ଦ୍ଧ୍ବ ଜୀବନ ନେଉଛି ମହାମାରୀ କୋରୋନା । ଆଜିର ମୃତ୍ୟୁ ସଂଖ୍ୟାକୁ ମିଶାଇ ରାଜ୍ୟରେ ମୋଟ କୋରୋନା ଜନିତ ମୃତ୍ୟୁ ସଂଖ୍ୟା 1320ରେ ପହଞ୍ଚିଛି ।
ତେବେ କୋରୋନା ଭାଇରସରେ କେନ୍ଦୁଝରରେ 40 ବର୍ଷର ମହିଳା ଓ 55 ବର୍ଷର ପୁରୁଷଙ୍କର ମୃତ୍ୟୁ ଘଟିଥିବା ବେଳେ ଝରସୁଗୁଡ଼ାରେ 50 ବର୍ଷର ପୁରୁଷ, ଗଂଜାମରେ 34 ବର୍ଷର ପୁରୁଷ , ନୂଆପଡ଼ାରେ 48 ବର୍ଷର ପୁରୁଷଙ୍କ ମୃତ୍ୟୁ ଘଟିଛି । ସେହିପରି ପୁରୀରେ 72 ବର୍ଷର ମହିଳା, ଖୋର୍ଦ୍ଧାରେ 43 ବର୍ଷର ମହିଳା, ଭୁବନେଶ୍ବରରେ 67 ଓ 65 ବର୍ଷର ପୁରୁଷ ଏବଂ ସୁନ୍ଦରଗଡରେ 70, 63 ଓ 65 ବର୍ଷର ପୁରୁଷଙ୍କର ମୃତ୍ୟୁ ଘଟିଛି । ତେବେ ରାଜ୍ୟରେ ମୋଟ କୋରୋନା ମୃତ୍ୟୁ ସଂଖ୍ୟା 1320ରେ ପହଁଚିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
