ଭୁବନେଶ୍ୱର: ଆଜି (ଶନିବାର) ଗୋଟିଏ ଦିନରେ 190 ଆକ୍ରାନ୍ତ ଚିହ୍ନଟ ହୋଇଥିବାବେଳେ ହୋମ କ୍ବାରେଣ୍ଟାଇନ କେନ୍ଦ୍ରରୁ 138 ଚିହ୍ନଟ ହୋଇଛନ୍ତି । ସେଥିମଧ୍ୟରୁ ସ୍ଥାନୀୟ ସଂକ୍ରମଣ ଭାବେ 52 ଜଣ ରହିଛନ୍ତି । ଆଉ ଏଥିରୁ 103 ମଧ୍ୟ ସୁସ୍ଥ ହୋଇଛନ୍ତି । କ୍ଵାରେଣ୍ଟାଇନ କେନ୍ଦ୍ରରୁ ଚିହ୍ନଟ ହୋଇଥିବା 138 ଜଣଙ୍କ ମଧ୍ୟରୁ କପିଳେଶ୍ୱର କଞ୍ଚା ସାହିରୁ 21, ବମିଖାଲର ଗାୟତ୍ରୀ ଏନକଲିଭ 6 ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି ।
ସେହିପରି 7 ଜଣ ବରମୁଣ୍ଡାର ବେହେରା ସାହି, 5 ଜଣ ଆଇ ଆଇଆରସିଭିଲେଜ, 4 ଜଣ ଲକ୍ଷ୍ମୀ ସାଗର, 4 ଜଣ ନୟାପଲ୍ଲୀ, 5 ୟୁନିଟ-1 ମାର୍କେଟ ଆଦିରୁ ଚିହ୍ନଟ କରାଯାଇଛି। ସେହିପରି ଭାବରେ ସ୍ଥାନୀୟ ସଂକ୍ରମଣ 52 ରହିଥିବାବେଳେ ସେଥିମଧ୍ୟରୁ 3 ଜଣ ଚନ୍ଦ୍ରଶେଖରପୁର, 3 କଟକ ରୋଡ଼, 3 କପିଳେଶ୍ୱର ତଳ ସାହି, 2 ଜଣ ନିୟୁ ଫରେଷ୍ଟ ପାର୍କ, 3 ଜଣ ବରମୁଣ୍ଡା, 2 ଲକ୍ଷ୍ମୀସାଗରରେ ଚିହ୍ନଟ ହୋଇଥିବାବେଳେ ଓଲଡ ଟାଉନ, ସୁନ୍ଦରପଦା, ଚକେଇସିଆଣି, ରସୁଲଗଡ, ୟୁନିଟ-8, ସତ୍ୟନଗର, ଜାଗମରା, ସାମପୁର, ଜୟଦେବ ବିହାର ଆଦି ଅଞ୍ଚଳରୁ ଚିହ୍ନଟ କରାଯାଇଛି।
ସେହିପରି 103 ଜଣ ଭୁବନେଶ୍ୱରରୁ ସୁସ୍ଥ ହୋଇଛନ୍ତି । ତେବେ ଭୁବନେଶ୍ୱରରେ ମୋଟ ଆକ୍ରାନ୍ତଙ୍କ ସଂଖ୍ୟା 3763 ହୋଇଥିବା ବେଳେ 2360 ଜଣ ସୁସ୍ଥ ହୋଇଛନ୍ତି । 18 ଜଣଙ୍କର ମୃତ୍ୟୁ ଘଟିଥିବାବେଳେ 1383ଟି ମାମଲା ସକ୍ରିୟ ରହିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
