ଭୁବନେଶ୍ବର: ସ୍ଥାନୀୟ ଆଞ୍ଚଳିକ ପ୍ରାକୃତିକ ସଂଗ୍ରହାଳୟ ଠାରେ ଓଡିଶା ପରିବେଶ କଂଗ୍ରେସର 10ମ ବାର୍ଷିକ ଅଧିବେଶନ ଅନୁଷ୍ଠିତ ହୋଇଯାଇଛି । ରାଜ୍ୟପାଳ ଗଣେଶୀ ଲାଲ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ପ୍ରକୃତି ଆଉ ମଣିଷ ସର୍ବଦା ଓତଃପ୍ରୋତ ଭାବେ ଜଡ଼ିତ । ମଣିଷ ବଞ୍ଚିବା ପାଇଁ ଯେପରି ଜଳ,ବାୟୁ ଆଦି ଉପାଦାନ ନିତାନ୍ତ ଆବଶ୍ୟକ, ସେହିପରି ପ୍ରକୃତି/ପରିବେଶ ପାଇଁ ମଧ୍ୟ ସେହିପରି ନିତାନ୍ତ ଆବଶ୍ୟକ।
ସାମ୍ପ୍ରତିକ ପରିସ୍ଥିତିରେ କୌଣସି ଗୋଟିଏ ଦେଶ କେବଳ ନିଜେ ସୁଖ ସ୍ବାଛନ୍ଦ ବଞ୍ଚିବା ପାଇଁ ଅନ୍ୟମାନଙ୍କ କଥା ଭୁଲି ଯିବା ଓ ପ୍ରକୃତିକୁ ନିଜ ଅନୁସାରେ ବ୍ୟବହାର କରିବା ଆଦୌ ଗ୍ରହଣୀୟ ନୁହେଁ । ନିଜେ ବଞ୍ଚିବା ସହ ଅନ୍ୟମାନଙ୍କ ବଞ୍ଚିବା ପ୍ରତି ଦୃଷ୍ଟି ଦେବା ଏବଂ ଯେତିକି ପରିମାଣର ପରିବେଶର କ୍ଷତି ସାଧନ କରୁଛି । ତାହାର ଭରଣା କରିବା ଦିଗରେ ବିହିତ ପଦକ୍ଷେପ ଗ୍ରହଣ କରିବା ଆବଶ୍ୟକ ବୋଲି ରାଜ୍ୟପାଳ କହିଛନ୍ତି ।
ଓଡିଶା ପରିବେଶ କଂଗ୍ରେସର ଅଧିବେଶନରେ ରାଜ୍ୟପାଳ ଆହୁରି କହିଛନ୍ତି ଯେ ପରିବେଶ ଅନୁକୂଳ ଟେକ୍ନୋଲୋଜି ବ୍ୟବହାରର ଆଵଶ୍ୟକତା ରହିଛି। ବର୍ତ୍ତମାନ ଏପରି ପରିସ୍ଥିତି ସୃଷ୍ଟି ହୋଇଛି ପ୍ରାକୃତିକ ସାମଞ୍ଜସ୍ୟର ଅଭାବରୁ ବିଭିନ୍ନ ପ୍ରକାର ବିପର୍ଯ୍ୟୟ ଓ ପ୍ରଦୂଷଣ ବୃଦ୍ଧି ପାଇବାରେ ଲାଗିଛି । ତେଣୁ ଏ ଦିଗରେ ଜଣକିଆ କିମ୍ବା ଏକପାଖିଆ କୌଣସି ପଦକ୍ଷେପ ଅପେକ୍ଷା ସାମୂହିକ ଉଦ୍ୟମ ଆଵଶ୍ୟକତା ରହିଥିବା କହିଛନ୍ତି।
ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ପୂର୍ବତନ ମନ୍ତ୍ରୀ ତଥା ବିଧାୟକ ଦେବୀ ପ୍ରସାଦ ମିଶ୍ର, ଡ଼ଃ ବାବୁ ଅମ୍ବାତ, ଡ଼ଃ ଗୌରବ ଓ ଅନ୍ୟାନ୍ୟ ବ୍ୟକ୍ତି ବିଶେଷ ଯୋଗଦେଇ ପରିବେଶ କଂଗ୍ରେସର ସମାଜ ପ୍ରତି ଅବଦାନ ସମ୍ପର୍କରେ ଆଲୋକପାତ କରିଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ
