ଭୁବନେଶ୍ବର: ଆନ୍ତର୍ଜାତୀୟ ସ୍ତରରେ ନାଁ କରିବ ଓଡ଼ିଶା ଫାୟାର ଷ୍ଟେସନ । ଖୁବଶୀଘ୍ର ଆଇଏସଓ ମାନ୍ୟତା ତାଲିକାରେ ଆସିବ ଓଡିଶା ଫାୟାର ସର୍ଭିସର ନାମ । ରାଜ୍ୟର ୧୦ଟି ଫାୟାର ଷ୍ଟେସନକୁ ଇଣ୍ଟରନାସନାଲ ଷ୍ଟାଣ୍ଡାର୍ଡ ଅରଗାନାଇଜେସନ ୯୦୦୨ ତାଲିକାରେ ମାନ୍ୟତା ମିଳିବ । ଯାହାକି ସର୍ବଭାରତୀୟ ସ୍ତରରେ ପ୍ରଥମ ଥର ପାଇଁ ଏଭଳି ମାନ୍ୟତା ପାଇବ । ଏନେଇ ଓଡିଶା ପୋଲିସ ପକ୍ଷରୁ ଚାଲିଛି ପ୍ରୟାସ ।
ଆଇଏସଓ ମାନ୍ୟତା ପାଇବ ରାଜ୍ୟର ୧୦ ଫାୟାର ଷ୍ଟେସନ, ଚାଲିଛି ପ୍ରସ୍ତୁତି ଚଳିତ ବର୍ଷ ୪୦ କୋଟିର କିଣା ହେବ ଫାୟାର ସାମଗ୍ରୀ । ଏହା ଫାୟାର ସର୍ଭିସରେ ବୈପ୍ଳବିକ ପରିବର୍ତ୍ତନ ଆଣିବ । କାରଣ ଏ ବର୍ଷ କିଣାହେବ ଅତ୍ୟାଧୁନିକ ଫାୟାର ଇକ୍ୟୁପମେଣ୍ଟରେ ଯେପରିକି ପ୍ଲାଜାମା କଟର, ଇଣ୍ଟିଗ୍ରେଟେଡ଼ ଟାଓ୍ବାର ସହ ଆହୁରି ୨୦୦୦ ଫାୟାର ରେଜିଷ୍ଟ୍ରେସନ ସୁଟ । ଏଥିସହ ବିଭିନ୍ନ ସ୍ବେଚ୍ଛାସେବୀ ସଙ୍ଗଠନର ୧ ହଜାର ସ୍ବେଚ୍ଛାସେବୀ କର୍ମୀଙ୍କୁ ତାଲିମ ଦେବା ପାଇଁ ଯୋଜନା ରହିଛି । ସିଭିଲ ଡିଫେନସକୁ ମଜବୁତ କରିବା ପାଇଁ ଏହି ତାଲିମ ସହାୟକ ହେବ । ସେହିପରି ମାର୍ଚ୍ଚ ମାସରୁ ଇଣ୍ଟିଗ୍ରେଟେଡ କଣ୍ଟ୍ରୋଲ ରୁମ ଅର୍ଥାତ୍ ୧୧୨ ଏକକ ହେଲ୍ପ ଲାଇନ ନମ୍ବର ଆରମ୍ଭ ହେବ । ଏଥିରେ ଫାୟାର ସର୍ଭିସ ସହ ଆମ୍ବୁଲାନ୍ସ ପୋଲିସ ହେଲ୍ପଲାଇନ ଏକକ ଭାବେ କାମ କରିବ । ଏନେଇ ପ୍ରସ୍ତୁତି କରାଯାଉଛି । ଏହାବ୍ୟତୀତ ଲାଇଫ ଗାର୍ଡ ପାଇଁ କୋଣାର୍କରେ ଖୋଲୁଛି ପ୍ରଥମ ସର୍ବଭାରତୀୟ ଲାଇଫଗାର୍ଡ଼ ଡ୍ରାଇଭିଂ ଟ୍ରେନିଂ ସେଣ୍ଟର । ଏନେଇ ଜାଗା ଅଧିଗ୍ରହଣ ଶେଷ ହୋଇଛି । ଏବେ ନାଭିର ଟ୍ରେନିଂ ଚାଲିଛି । ପରେ ଏହିଠାରେ ଉପକୂଳ ଜିଲ୍ଲାଗୁଡିକର ପିଲାମାନଙ୍କୁ ଲାଇଫଗାର୍ଡ ତାଲିମ ଦିଆଯିବ । ଆହୁରିମଧ୍ୟ, ବରମୁଣ୍ଡା ସ୍ଥିତ ଓଡିଶା ଅଗ୍ନିଶମ ସେବା ବିପତ୍ତି ନିସ୍ତାର ପ୍ରତିଷ୍ଠାନ ପରିସରରେ ଅଗ୍ନିଶମ ଡିଜି ସତ୍ୟଜିତ ମହାନ୍ତିଙ୍କ ଦ୍ବାରା ବେସାମରିକ ପ୍ରତିରକ୍ଷା ତାଲିମ ଅନୁଷ୍ଠାନ ଉଦଘାଟିତ ହୋଇଛି । ୧ କୋଟି ୯୨ ଲକ୍ଷ ବ୍ୟୟରେ ଏହି ବିଲଡିଂ ନିର୍ମାଣ ହୋଇଛି । ସିଭିଲ ଡିଫେନସରେ ଯୋଗ ଦେଉଥିବା ସ୍ବେଚ୍ଛାସେବୀମାନଙ୍କୁ ଏହିଠାରେ ତାଲିମ ଦିଆଯିବ । ଏନେଇ ରାଜ୍ୟରେ ଖୋର୍ଦ୍ଧା, କୋରାପୁଟ, ସୂନ୍ଦରଗଡ଼, ଅନୁଗୁଳ, ଢେଙ୍କାନାଳ, ବାଲେଶ୍ବର, ଭଦ୍ରକ, କେନ୍ଦ୍ରାପଡା, ଜଗତସିଂହପୁରରେ ଥିବା ବେସାମରିକ ପ୍ରତିରକ୍ଷା ତାଲିମ କେନ୍ଦ୍ରରେ ପ୍ରାୟ ୧୧ ହଜାର ୫୨୭ଜଣ ତାଲିମ ପ୍ରାପ୍ତ ସ୍ବେଛାସେବୀ ପଞ୍ଜିକୃତ ଅଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
