ଭୁବନେଶ୍ବର: ଆଜି ରାଜ୍ୟରୁ ପାଖାପାଖି 5 ହଜାର ସଂକ୍ରମିତ ଚିହ୍ନଟ। 10 ଜିଲ୍ଲା ଏବେ ରେଡ ଜୋନରେ ରହିଛି । ୟେଲୋ ଜୋନରେ ରହିଛି 5 ଜିଲ୍ଲା । ରାଜ୍ୟରେ ସଂକ୍ରମଣ ମାମଲା ବଢିବାରେ ଲାଗିଛି । ଖୋର୍ଦ୍ଧା, କଟକ, ପୁରୀ, ସୁନ୍ଦରଗଡ, ସମ୍ବଲପୁର, ଝାରସୁଗୁଡା, ବରଗଡ, ନୂଆପଡା, ବଲାଙ୍ଗୀର, କଳାହାଣ୍ଡି ରେଡ ଜୋନରେ ରହିଛି । ସେହିପରି କେନ୍ଦୁଝର, ମୟୂରଭଞ୍ଜ, ବାଲେଶ୍ବର, ଯାଜପୁର, ନବରଙ୍ଗପୁର ୟେଲୋ ଜୋନରେ ରହିଛି ।
ଆଜି ରାଜ୍ୟରେ ସର୍ବାଧିକ ସଂକ୍ରମଣ ଖୋର୍ଦ୍ଧାରୁ 820 ଚିହ୍ନଟ ହୋଇଥିବାବେଳେ ତା ପଛକୁ ସୁନ୍ଦରଗଡ ଜିଲ୍ଲାରେ 673 ସଂକ୍ରମିତ ହୋଇଛନ୍ତି । ଛତିଶଗଡ ସୀମାନ୍ତରେ କୋରୋନା ଲହରୀ ଭୟଙ୍କର ବ୍ୟାପିଥିବାରୁ ଓଡିଶା-ଛତିଶଗଡ ସୀମାନ୍ତ ଆଲର୍ଟରେ ରହିଛି ।
ସୂଚନାଯୋଗ୍ୟ, ଆଜି ରାଜ୍ୟରୁ 4761 ନୂତନ କୋରୋନା ସଂକ୍ରମିତ ଚିହ୍ନଟ ପରେ ମୋଟ ସଂକ୍ରମିତ ମାମଲା 3 ଲକ୍ଷ 77 ହଜାର 464ରେ ପହଞ୍ଚିଛି । ସକ୍ରିୟ ମାମଲା 27821 କୁ ବୃଦ୍ଧି ପାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
