ଭଦ୍ରକ: ଗର୍ଭବତୀ ମହିଳାଙ୍କ ହାତଗୋଡ ବାନ୍ଧି ଦୁଷ୍କର୍ମ କଲା ସ୍ବାମୀର ବନ୍ଧୁ । ଏପରି ଅଭିଯୋଗ ଆସିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅଞ୍ଚଳରୁ । ସ୍ଥାନୀୟ ଜଣେ ଯୁବକ ନିଜ ସାଙ୍ଗର ପତ୍ନୀକୁ ଏକୁଟିଆ ପାଇ ଏପରି କୁକର୍ମ କରିଛି । ତେବେ ଘଟଣା ସମ୍ପର୍କରେ ସ୍ଥାନୀୟ ଗ୍ରାମବାସୀ ଖବର ପାଇ ଉକ୍ତ ଯୁବକକୁ କାବୁ କରିବା ସହ ମାଡ ମାରି ପୋଲିସ ଜିମା ଦେଇଛନ୍ତି । ତେବେ ଦୁଷ୍କର୍ମର ଶିକାର ହୋଇଥିବା ମହିଳାଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ରହିଥିବା ସୂଚନା ରହିଛି ।
ମିଳିଥିବା ସୂଚନା ଆଧାରରେ, ମହିଳା ଜଣଙ୍କୁ ଏକୁଟିଆ ପାଇ ଉକ୍ତ ଯୁବକ ଜଣଙ୍କ ଦୁଷ୍କର୍ମ କରିଥିଲା । ମହିଳା ଜଣଙ୍କ ଚିତ୍କାର କରିବାରୁ ଗ୍ରାମବାସୀ ଧାଇଁ ଆସି ସମ୍ପୃକ୍ତ ଯୁବକକୁ କାବୁ କରିବା ସହ ନିସ୍ତୁକ ମାଡ ମଧ୍ୟ ମାରିଥିଲେ । ପରେ ଉକ୍ତ ଯୁବକକୁ ପୋଲିସରେ ଜିମା ଦେଇଛନ୍ତି ଗ୍ରାମବାସୀ । ପୀଡିତାଙ୍କ ସ୍ବାମୀଙ୍କ ଏତଲାକ୍ରମେ ବାଂଶଡା ଥାନାରେ ଏକ ମାମଲା ରୁଜୁ ସଙ୍ଗୀନ ଦଫାରେ ଅଭିଯୁକ୍ତ ଯୁବକକୁ ପୋଲିସ ଗିରଫ କରିଥିବା ସୂଚନା ମିଳିଛି । ହେଲେ ଏନେଇ ପୋଲିସ ପକ୍ଷରୁ ଗଣମାଧ୍ୟମ ସାମ୍ନାରେ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
