ଭଦ୍ରକ: ମହଙ୍ଗା ପଡ଼ିଲା କୋରୋନା କଟକଣା ଅବମାନନା । ଏକ ବିବାହ ଭୋଜି ପାଇଁ ଭଦ୍ରକ ଜିଲ୍ଲା ତିହିଡ଼ି ତହସିଲ ଅନ୍ତର୍ଗତ ଦୋଳସାହି ଗାଆଁରେ ନିରାଡମ୍ବର ଭାବେ ବ୍ୟବସ୍ଥା ହୋଇଥିଲା । ସେଠାରେ ଶହ ଶହ ଲୋକ ମାନଙ୍କ ପାଇଁ ଭୋଜି ମଧ୍ୟ ପ୍ରସ୍ତୁତ ହୋଇଥିଲା। ଏନେଇ ଖବର ପାଇ ତିହିଡି ତହସିଲଦାର ରମେଶ ଚନ୍ଦ୍ର ପଣ୍ଡା ଉକ୍ତ ଅଞ୍ଚଳରେ ଚଢାଉ କରିଥିଲେ ।
ତେବେ କୋଭିଡ କଟକଣା ଭାଙ୍ଗିଥିବା ଅଭିଯୋଗରେ 4 ଜଣଙ୍କୁ ଗିରଫ କରାଯିବା ସହ 30 ହଜାର ଟଙ୍କାର ତଣ୍ଡ ଦେବାକୁ ନିର୍ଦ୍ଦେଶ ହୋଇଥିବା ଟୁଇଟ୍ ଯୋଗେ ତହସିଲଦାର ଶ୍ରୀ ପଣ୍ଡା ସୂଚନା ଦେଇଛନ୍ତି । ଅନ୍ୟପଟେ ତିହିଡି ଥାନାରେ ଏନେଇ ଅଦ୍ୟାବଧି କୌଣସି ମାମଲା ରୁଜୁ ହୋଇନଥିବା ନେଇ ସୂଚନା ମିଳିଛି ।
ତେବେ କୋଭିଡ ଉଲ୍ଲଙ୍ଘନକାରୀ ତଣ୍ଡ ଦେଲେ ଗିରଫ କରାଯିବା ଆଇନ୍ଗତ ନୁହେଁ ବୋଲି ଜଣାପଡ଼ିଛି । ଯାହାକି ତିହିଡି ତହସିଲଦାରଙ୍କ ଟୁଇଟକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି । ଏନେଇ ତିହିଡି ଥାନା କି ତହସିଲ ଅଫିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
