ବ୍ରହ୍ମପୁର: କୂଅ ମଧ୍ୟରୁ ଉଦ୍ଧାର ହେଲା କଟାସ । ଗଞ୍ଜାମ ଜିଲ୍ଲା ଦିଗପହଣ୍ଡି ବନାଞ୍ଚଳ ଅଧିନସ୍ଥ ଅନଙ୍ଗପୁର ଓ କୁଶପଡା ଗ୍ରାମ ମଧ୍ୟରେ ରହିଥିବା ଏକ ଚାଷ ଜମିର କୂଅ ମଧ୍ୟରେ ପଡିଯାଇଥିବା ଫିସିଙ୍ଗ୍ କ୍ୟାଟକୁ ଦିଗପହଣ୍ଡି ବନବିଭାଗ ଓ ଅଗ୍ନିଶମ ବିଭାଗ କର୍ମଚାରୀଙ୍କ ମିଳିତ ଉଦ୍ୟମରେ ଏହି ବନ୍ୟଜନ୍ତୁଙ୍କୁ ଉଦ୍ଧାର କରାଯାଇଛି ।
ସୂଚନାନୁଯାୟୀ ଶୁକ୍ରବାର କୂଅ ଭିତରେ ଏକ ବନ୍ୟଜନ୍ତୁ ପାଣିରେ ପଡ଼ିଯାଇ ଏଣେ ତେଣେ ବୁଲୁଥିବା ଦେଖି ଗ୍ରାମବାସୀ ବ୍ରହ୍ମପୁର ବନଖଣ୍ଡ ଅଧିକାରୀଙ୍କୁ ଖବର ଦେଇଥିଲେ । ବ୍ରହ୍ମପୁର ଡିଏଫଓ(DFO) ଅମ୍ଳାନ ନାୟକଙ୍କ ନିର୍ଦ୍ଦେଶକ୍ରମେ ସ୍ଥାନୀୟ ବନାଞ୍ଚଳ ଅଧିକାରୀ କାହ୍ନୁଚରଣ ପଟ୍ଟନାୟକ ଓ ଦିଗପହଣ୍ଡି ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ ।
ପରେ କୌଶଳକ୍ରମେ ଫାସ ପକାଯାଇ ଏହାକୁ ଉଦ୍ଧାର କରିଥିଲେ । ଏହାପରେ ଉଦ୍ଧାର ହୋଇଥିବା ବନ୍ୟଜନ୍ତୁକୁ ଦିଗପହଣ୍ଡି ପ୍ରାଣୀ ଚିକିତ୍ସାଳୟକୁ ନିଆଯାଇ ପ୍ରାଥମିକ ଚିକିତ୍ସା ପରେ ଏକ ନିର୍ଦ୍ଦିଷ୍ଟ ସ୍ଥାନରେ ଛାଡି ଦିଆଯାଇଥିବା ନେଇ ଜଣାପଡିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
