ଭଞ୍ଜନଗର : ଗଞ୍ଜାମ ଜିଲ୍ଲା ଭଞ୍ଜନଗର ପୋଲିସ ଦ୍ଵାରା ଆଜି ସାତ ଜଣ ଡକାୟତ ଗିରଫ ହୋଇଛନ୍ତି । ସେମାନଙ୍କ ଠାରୁ ୩୯ ଗୋଟି ମୋବାଇଲ, ୨ ଜୀବନ୍ତ ବୋମା, ୩ ଟି ଖଣ୍ଡା, ୩ଟି ମୋଟର ସାଇକେଲ ଏବଂ ୯୫୦୦ ଟଙ୍କା ଜବତ କରାଯାଇଛି । ଗତକାଲି ରାତିରେ ଭଞ୍ଜନଗର ନିକଟସ୍ଥ ସୋରାଦେବୀ ମନ୍ଦିର ନିକଟରେ ଡକାୟତି କରିବାକୁ ଯୋଜନା କରୁଥିବାବେଳେ ପୋଲିସ ଖବର ପାଇ ଚଢ଼ାଉ କରିଥିଲା ।
ସୋରାଦେବୀ ମନ୍ଦିର ନିକଟରୁ ସାତ ଡକାୟତ ଗିରଫ
ସେଠାରୁ ସାତଜଣକୁ ପୋଲିସ ଧରିବାରେ ସକ୍ଷମ ହୋଇଥିଲା ସେମାନଙ୍କୁ ଥାନାକୁ ଆଣି ପଚରାଉଚରା କଲାପରେ ଜଣାପଡିଥିଲା ଭଞ୍ଜନଗର ଓ ଆଖପାଖ ଅଞ୍ଚଳର ବହୁ ଡକାୟତି ଘଟଣାରେ ସେମାନେ ସମ୍ପୃକ୍ତି ଅଛନ୍ତି । ସେମାନଙ୍କ ଠାରୁ ମାରଣାସ୍ତ୍ର ସହିତ ଟଙ୍କା ଓ ମୋବାଇଲ ଜବତ ହୋଇଛି ।
ଇଟିଭି ଭାରତ, ଭଞ୍ଜନଗର
