ବ୍ରହ୍ମପୁର: ଗଞ୍ଜାମ ଜିଲ୍ଲା କାଳିଆପଲ୍ଲୀ ଗାଁରେ କଙ୍ଗାରୁ କୋର୍ଟ। ଅନୈତିକ ସମ୍ପର୍କ ଅଭିଯୋଗରେ ଜଣେ ବିବାହିତ ଯୁବକ ସହିତ ମହିଳାଙ୍କୁ ଚପଲ ମାଳ ପିନ୍ଧାଇ ବୁଲାଇଲେ ଗ୍ରାମବାସୀ।
ପରକୀୟା ପ୍ରୀତି ଅଭିଯୋଗ, ଚପଲ ମାଳ ପିନ୍ଧାଇ ଗାଁ ବୁଲାଇଲେ ଲୋକେ
ଚପଲ ମାଳ ପକାଇ ବୁଲାଇବାର ଭିଡିଓ ଭାଇରାଲ ହେବା ପରେ ପୋଲିସ ପାଞ୍ଚ ଜଣଙ୍କୁ ଅଟକ ରଖି ପଚରା ଉଚରା କରୁଛି । ମହିଳା ଜଣକର ଚାରି ଗୋଟି ସନ୍ତାନ ଅଛି ଏବଂ ପୁରୁଷ ଜଣକର ଦୁଇ ଗୋଟିଏ ସନ୍ତାନ ଅଛି ।
ଉଭୟ ପରିବାର ର କିଛି ଅଭିଯୋଗ ନଥାଇ ଗ୍ରାମବାସୀ କାହିଁକି ମହିଳାଙ୍କୁ ଟଣା ଓଟରା କରିବା ସହ ଏପରି ଅପମାନଜନକ ଘଟଣା ଘଟାଇଛନ୍ତି ତାକୁ ନେଇ ସାଧାରଣରେ ଚର୍ଚ୍ଚା ଚାଲିଛି ।
ଏହି ଘଟଣା ପରେ ମହିଳା ଜଣକ କେଉଁ ଆଡେ ପଳାଇଛନ୍ତି। ତେବେ ଘଟଣାଟି ଜଣେ ସରପଞ୍ଚଙ୍କ ଝିଅ ସହ ଘଟିଥିବାବେଳେ ସେ ଦୋଷୀକୁ ଉଚିତ ଦଣ୍ଡ ସହ ଝିଅକୁ ଖୋଜି ଆଣିବାକୁ କହିଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
