ବ୍ରହ୍ମପୁର: କ’ଣ କହୁଛି ହିଞ୍ଜଳି ? ବଦଳିଯିବ କି ଏଠାକାର ଭୋଟରଙ୍କ ମାନସିକତା ? ଶିକ୍ଷା, ସ୍ବାସ୍ଥ୍ୟ, କୃଷିଠୁ ଆରମ୍ଭ କରି ଗମନାଗମନା, ନବୀନଙ୍କ 4ଟି ଟର୍ମରେ ହୋଇଛି, ବହୁ ଉନ୍ନତି, ସର୍ବାଙ୍ଗୀନ ବିକାଶ । 2 ଦଶନ୍ଧି ଧରି ଓଡିଶାକୁ ମୁଖ୍ୟମନ୍ତ୍ରୀ ଦେଇଛି 131 ନମ୍ବର ବିଧାନସଭା ଆସନ ହିଞ୍ଚିଳି । ହେଲେ ଏବେ 2 ନମ୍ବର ବିଧାନସଭା ଆସନ ବିଜେପୁରରୁ ମଧ୍ୟ ପ୍ରାର୍ଥୀ ହେଉଛନ୍ତି ନବୀନ । ମୁଖ୍ୟମନ୍ତ୍ରୀଙ୍କ ଇସ୍କ 2 ହିଁ 2 ! 131 ଆସନ୍ ପାଇଁ ନାହିଁ ସିଏମଙ୍କ 143 । ଏଭଳି କିଛି ଆଶା, ଆଶଙ୍କାରେ ହିଞ୍ଜିଳବାସୀ ।
ଅଭିଯୋଗ ତ ହେଉଛି, ଏବେବି ପାନୀୟ ଜଳର ଅଭାବ ରହିଛି । ଶୀତଳଭଣ୍ଡାର, ମହିଳା ମହାବିଦ୍ୟାଳୟର ଆବଶ୍ୟକତା ରହିଛି । ଝୁମ୍ପୁଡି ଘରେ ଲୋକ ଦିନ କାଟୁଛନ୍ତି । ବାଉଁଶ କାରିଗରଙ୍କ କୌଣସି ସୁବିଧା ହୋଇନି । ହେଲେ ପ୍ରିୟ ନେତାଙ୍କୁ ହାତଛଡା କରିବାକୁ ଚାହୁଁନି ହିଞ୍ଜିଳି । ବହୁ ଲୋକଙ୍କ ବିଶ୍ବାସ, ତାଙ୍କ ପ୍ରିୟ ନେତା ସମାସ୍ୟାର ସମାଧାନ କରିବେ ନିଶ୍ଚୟ ।
ସରିଛି ସ୍କୃଟିନି । ଏବେ ହିଞ୍ଜିଳି ମଇଦାନରେ 9 ପ୍ରାର୍ଥୀ । ହେଲେ ଭୋଟରଙ୍କ ମନରେ ନବୀନ ଛନକା । ନବୀନ କାହାର, ହିଞ୍ଜିଳି ନା ବିଜେପୁର ।
ବ୍ରହ୍ମପୁରରୁ ସମୀର କୁମାର ଆଚାର୍ଯ୍ୟ, ଇଟିଭି ଭାରତ
