ବ୍ରହ୍ମପୁର: ରାଜ୍ୟର ପ୍ରମୁଖ ପର୍ଯ୍ୟଟନସ୍ଥଳ ଗୋପାଳପୁର ବେଳାଭୂମିରେ ସଫେଇ କରିଛନ୍ତି ଟିମ କ୍ଲିନ ସିଟିର ସଦସ୍ୟମାନେ । ଦକ୍ଷିଣ ଓଡ଼ିଶାର ଅଗ୍ରଣୀ ସ୍ୱେଚ୍ଛାସେବୀ ସଙ୍ଗଠନ ବ୍ରହ୍ମପୁରର ଟିମ କ୍ଲିନ ସିଟି ପକ୍ଷରୁ ଏଭଳି କାର୍ଯ୍ୟ କରାଯାଇଥିଲା ।
କୋରୋନା କଟକଣା ଯୋଗୁଁ ବନ୍ଦ ରହିଥିବା ନିୟମିତ ସେବା କାର୍ଯ୍ୟକୁ ସାପ୍ତାହିକ କାର୍ଯ୍ୟକ୍ରମ ମଧ୍ୟରେ ସୀମିତ ରଖିଥିବା ଏହି ସଙ୍ଗଠନ ସହରର ବିଭିନ୍ନ ଛକରେ ମହାପୁରୁଷଙ୍କ ପ୍ରତିମୂର୍ତ୍ତିର ସଫେଇ କରିଥିଲେ । ରବିବାର ଟିମର ସଦସ୍ୟମାନେ ଗୋପାଳପୁରରେ ରହିଥିବା ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ପ୍ରତିମୂର୍ତ୍ତିକୁ ସଫେଇ କରିବା ସହିତ ସମୁଦ୍ର କୂଳକୁ ସଫେଇ କରାଯାଇଥିଲା ।
ଉଭୟ କାର୍ଯ୍ୟରେ ଟିମର ସମସ୍ତ ସଦସ୍ୟ ସକ୍ରିୟ ସାମିଲ ହୋଇଥିଲେ। ଟିମ କ୍ଲିନ ସିଟିର ନିରବିଛିନ୍ନ ଭାବେ ଏଭଳି ସାମାଜିକ କାର୍ଯ୍ୟକୁ ସବୁ ମହଲରେ ସ୍ୱାଗତ କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
