କୋଇଲା ବୋଝେଇ ଟ୍ରେନରେ ନିଆଁ, ଆୟତ୍ତ କଲା ଅଗ୍ନିଶମ ବିଭାଗ

ଗଞ୍ଜାମ ରେଳଷ୍ଟେସନରେ ତାଳଚେରରୁ ପାଲାସା ଅଭିମୁଖେ ଯାଉଥିବା ଏକ କୋଇଲା ବୋଝଇ ଅଗ୍ନୀକାଣ୍ଡ । ଘଟଣା ସ୍ଥଳରେ ଛତ୍ରପୁର ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କଲା ।

ବ୍ରହ୍ମପୁର: କୋଇଲା ବୋଝେଇ ଟ୍ରେନରେ ଅଗ୍ନୀକାଣ୍ଡ । ଦୁଇ ବଗିରେ ନିଆଁ ଲାଗିଥିବା ବେଳେ ଅଗ୍ନିଶମ ବିଭାଗ ପକ୍ଷରୁ ସଂପୂର୍ଣ୍ଣ ଆୟତ୍ତ କରିଛନ୍ତି । ଖବର ପାଇ ଏନେଇ ସ୍ଥାନୀୟ ଷ୍ଟେସନ ମାଷ୍ଟର ଛତ୍ରପୁର ଅଗ୍ନିଶମ ବିଭାଗକୁ ଖବର ଦେଇଥିଲେ ।

ସୂଚନା ଅନୁଯାୟୀ ଗଞ୍ଜାମ ଜିଲ୍ଲାର ଗଞ୍ଜାମ ରେଳଷ୍ଟେସନରେ ତାଳଚେରରୁ ପାଲାସା ଅଭିମୁଖେ ଯାଉଥିବା ଏକ କୋଇଲା ବୋଝଇ ଅଗ୍ନୀକାଣ୍ଡର ସମ୍ମୁଖୀନ ହୋଇଥିଲା । ଟ୍ରେନ ନଂ 28691 ରେ ଦୁଇଟି ବଗିରେ କୈଣସି କାରଣରୁ ନିଆଁ ଲାଗିଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳ ରେ ପହଞ୍ଚି ନିଆଁ ଲିଭାଇଥିଲେ । ଟ୍ରେନର ଦୁଇଟି ବଗିରେ ନିଆଁ ଲାଗିଥିଲା । କୌଣସି କାରଣରୁ ଅଗ୍ନୀକାଣ୍ଡ ଘଟିଛି ତାହା ଅସ୍ପଷ୍ଟ ରହିଛି ।

ବ୍ରହ୍ମପୁରରୁ ସମୀର ଆଚାର୍ଯ୍ୟଙ୍କ ରିପୋର୍ଟ ଇଟିଭି ଭାରତ