ବ୍ରହ୍ମପୁର: କୋରୋନା ପାଇଁ ପାଖାପାଖି ୨ ବର୍ଷ ହେବ ତାରାତାରିଣୀଙ୍କ ପୀଠକୁ ସାଧାରଣ ଦର୍ଶନ ବନ୍ଦ ରହିଛି । କିନ୍ତୁ ବିଭିନ୍ନ ଅଞ୍ଚଳରୁ ମନ୍ତ୍ରୀ ଓ ବିଧାୟକମାନେ ସ୍ମାର୍ଟ ସ୍କୁଲ ଉଦଘାଟନ ଗସ୍ତରେ ଆସି ମନ୍ଦିର ଦର୍ଶନ କରୁଛନ୍ତି । ଯାହାକୁ ବିରୋଧ କରିଛି ବିଜେପି । ବିରୋଧ କରି କଳାପତାକା ମଧ୍ୟ ପ୍ରଦର୍ଶନ କରିଛି । ଆଜି ସରକାରୀ ଦଳର ବିଧାୟକଙ୍କୁ ତାରାତାରିଣୀଙ୍କ ପୀଠର ପାଦଦେଶରେ ବିଜେପି କର୍ମୀମାନେ ବିରୋଧ କରି କଳାପତକା ପ୍ରଦର୍ଶନ କରିଥିଲେ ।
ଗଞ୍ଜାମ ଜିଲ୍ଲାର ହିଞ୍ଜିଳି ଓ ଶେରଗଡ ବ୍ଲକରେ ସ୍ମାର୍ଟ ସ୍କୁଲ କାର୍ଯ୍ୟକ୍ରମରେ ଯୋଗ ଦେବା ପାଇଁ ମନ୍ତ୍ରୀ ଓ ବିଧାୟକ ମାନେ ପାଞ୍ଚଟି ପର୍ଯ୍ୟାୟରେ ଆସୁଛନ୍ତି । ବ୍ରହ୍ମପୁର ଗସ୍ତ ସମୟରେ ମାଆ ତାରାତାରିଣୀ ମନ୍ଦିରକୁ ଯାଇ ଦର୍ଶନ କରୁଛନ୍ତି । ସୋମବାର ଏହାର ଶେଷ ପର୍ଯ୍ୟାୟ ଗସ୍ତ ରହିଥିଲା । ଏନେଇ ମନ୍ଦିର ପାଦଦେଶରେ ରହି ବିଜେପି ଘୁମୁସର ଯୁବମୋର୍ଚ୍ଚାର କର୍ମକର୍ତ୍ତାମାନେ ମନ୍ଦିରର ଗେଟ ସମୁଖରେ କଳାପତାକା ପ୍ରଦର୍ଶନ କରିବା ସହ ବିକ୍ଷୋଭ ମଧ୍ୟ କରିଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
