ବ୍ରହ୍ମପୁର : ଚାରି ନାବାଳିକାକୁ ଉଦ୍ଧାର କରି ପୋଲିସକୁ ହସ୍ତାନ୍ତର କଲେ ସ୍ଥାନୀୟ ଲୋକେ । ଭଦ୍ରକ ତିହିଡି ଅଞ୍ଚଳର କିଛି ନାବାଳିକାଙ୍କୁ ବିଶାଖପାଟଣା ଅଞ୍ଚଳରେ ଥିବା ଏକ ଚିଙ୍ଗୁଡି ଗୋଦାମକୁ ଚାଲାଣ କରାଯାଉଥିଲା । ସେମାନଙ୍କୁ ବସ ଯୋଗେ ଜଣେ ମହିଳା ଦଲାଲଙ୍କ ମାଧ୍ୟମରେ ପଠାଯାଉଥିଲା ।
ଚାରି ନାବାଳିକାଙ୍କୁ ଉଦ୍ଧାର କରି ପୋଲିସକୁ ହସ୍ତାନ୍ତର କଲେ ସ୍ଥାନୀୟ ଲୋକେ
ସ୍ଥାନୀୟ ଜଣେ ବ୍ୟକ୍ତି ନାବାଳିକଙ୍କୁ ଦେଖି କେଉଁ ଆଡେ ଯାଉଛ ବୋଲି ପଚାରିବାରୁ ମହିଳା ଜଣଙ୍କ ନାବାଳିକାଙ୍କୁ ଛାଡି ତରବରିଆ ଭାବେ ପଳାଇ ଯାଉଥିଲେ । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରିବା ସହିତ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ନାବାଳିକାଙ୍କୁ ହେପାଜତକୁ ନେବା ସହ ମହିଳାଙ୍କୁ ଅଟକ ରଖିଛି । ଘଟଣାସ୍ଥଳରେ ଚାଇଲଡ ଲାଇନ ପହଞ୍ଚି ତଦନ୍ତ ଆରମ୍ଭ କରିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ,ଇଟିଭି ଭାରତ
