ବ୍ରହ୍ମପୁର: ଦିନକୁ ଦିନ ବଢିବାରେ ଲାଗିଛି ଗଞ୍ଜେଇ କାରବାର । ୨୮ କିଲୋଗ୍ରାମ ଗଞ୍ଜେଇ ଜବତ ହେବା ସହ ଜଣଙ୍କୁ ଗିରଫ କରିଛି ପୋଲିସ । ପୋଲିସ ଏହି ଘଟଣାର ତଦନ୍ତ ଜାରି ରଖିଛି। ଗିରଫ ହୋଇଥିବା ବ୍ୟକ୍ତି ଜଣଙ୍କ ସାଗର ମୂଳି ବୋଲି ଜଣାପଡିଛି ।
୨୮ କିଲୋ ଗଞ୍ଜେଇ ଜବତ , ପୁରୁଣା ଅଭିଯୁକ୍ତ ସାଗର ମୁଳି ଗିରଫ
ସୂଚନା ଅନୁସାରେ, ବୈଦ୍ୟନାଥପୁର ପୋଲିସ ପକ୍ଷରୁ ପେଟ୍ରୋଲିଙ୍ଗ୍ ସମୟରେ ଖୋଡାସିଙ୍ଗି ବ୍ରିଜ ନିକଟରେ ଏକ ମୋଟର ସାଇକେଲରେ 2ଟି ବ୍ୟାଗରେ ଗଞ୍ଜେଇ ଚାଲଣ ହେଉଥିଲା । ପୋଲିସ ଏଥିରେ ଜଣଙ୍କୁ ଗିରଫ କରିଛି । ଏହାସହ ଗଞ୍ଜେଇ ଜବତ କରିଛି । ତେବେ, ଗିରଫ ହୋଇଥିବା ଅଭିଯୁକ୍ତ ଜଣକଙ୍କ ନାମରେ ମଧ୍ୟ ପୂର୍ବରୁ ସହରର ବିଭିନ୍ନ ଥାନାରେ ମାମଲା ରହିଛି । ପୋଲିସର ଓ୍ବାଣ୍ଟଡ ତାଲିକାରେ ରହିଥିବା ସାଗର ଗିରଫ ହେବା ଚର୍ଚ୍ଚାର ବିଷୟ ପାଲଟିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ ,ଇଟିଭି ଭାରତ
