ବ୍ରହ୍ମପୁର: ଗତ ୨୦ରେ ଉଦଘାଟିତ ହୋଇଥିବା ବ୍ରହ୍ମପୁର ଏମ୍କେସିଜି ମେଡିକାଲ ପରିସରର ଅକ୍ସିଜେନ୍ ପ୍ଲାଣ୍ଟରେ ଭର୍ତ୍ତି କରାଯାଉଛି ୧୫ ହଜାର ଲିଟର ଲିକ୍ୱିଡ ଅକ୍ସିଜେନ୍ । ଏହାର ଷ୍ଟୋରେଜ ପରିମାଣ ୨୦ ହଜାର ଲିଟର ରହିଥିବା ବେଳେ ଯାଜପୁରରୁ ବ୍ରହ୍ମପୁର ଆସିଥିବା ଏକ ଟ୍ୟାଙ୍କରରୁ ଏହି ଅକ୍ସିଜେନ୍ ଏମ୍.କେ.ସି.ଜି ପରିସରରେ ପ୍ରତିଷ୍ଠା ହୋଇଥିବା ଏହି ପ୍ଲାଣ୍ଟ ପରିସରରେ ପ୍ରଥମଥର ପାଇଁ ଫିଲିଙ୍ଗ୍ କରାଯାଉଛି ।
ଲିକ୍ୱିଡ ଅକ୍ସିଜେନ୍ ଟ୍ୟାଙ୍କର ବ୍ରହ୍ମପୁର ଏମକେସିଜିରେ ପହଞ୍ଚିବା ପରେ ଟ୍ୟାଙ୍କରଟି ୧୫ ହଜାର ଲିଟର ବିଶିଷ୍ଟ ହୋଇଥିବା ଯୋଗୁଁ ବର୍ତ୍ତମାନ ୧୫ ହଜାର ଲିଟର ଲିକ୍ୱିଡ ପ୍ଲାଣ୍ଟରେ ଫିଲିଙ୍ଗ୍ କରାଯାଇଛି । ପରେ ସେହି ଲିକ୍ୟୁଡ୍ ଅକ୍ସିଜେନ୍କୁ ନିୟମ ଅନୁଯାୟୀ କୌଶଳରେ ଚାପ ଦେଇ ସେଥ୍ରୁ ଅକ୍ସିଜେନ୍ ବାହାର କରାଯାଇ ରୋଗୀଙ୍କ ନିକଟକୁ ପାଇପ୍ ଯୋଗେ ପଠାଯିବ। ଏଥି ନିମନ୍ତେ କପର ପାଇପ ମଧ୍ୟ ଡିସିଏଚ୍-୨ରେ ସଂଯୋଗ କରାଯାଇଛି।
ପରେ ନିୟମିତ ବ୍ୟବଧାନରେ ସ୍ଥାପନ ହୋଇଥିବା ଟ୍ୟାଙ୍କରରେ ଲିକ୍ୱିଡ ଅକ୍ସିଜେନ୍ ଭର୍ତ୍ତି ହେବା ସହିତ ପରବର୍ତ୍ତି ପର୍ଯ୍ୟାୟରେ ତାହା ଅକ୍ସିଜେନ ହୋଇ ରୋଗୀଙ୍କ ନିକଟରେ ପହଞ୍ଚିବ। ପ୍ରାଥମିକ ପର୍ଯ୍ୟାୟରେ ଡିସିଏଚ୍-୨ର ରୋଗୀଙ୍କ ନିକଟରେ ଅକ୍ସିଜେନ୍ ପହଞ୍ଚିବା ସହ ପରବର୍ତ୍ତୀ ସମୟରେ ଡିସିଏଚ୍-୧ର ରୋଗୀଙ୍କ ନିକଟରେ ତାହା ପହଞ୍ଚିବ। ଏଠାରେ ଅକ୍ସିଜେନ ପ୍ଲାଣ୍ଟ କାର୍ଯ୍ୟକ୍ଷମ ହେବା ପରେ ଏମକେସିଜି ପାଇଁ ଅକ୍ସିଜେନ୍ ସମସ୍ୟା ଆଉ ରହିବ ନାହିଁ ବୋଲି କୁହାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
