ବ୍ରହ୍ମପୁର: ସହରର ବଡବଜାର ଥାନା ଅନ୍ତର୍ଗତ ଷଣ୍ଢ ମହାନ୍ତି ସାହିରେ ପୋଲିସର ଚଢାଉ । ଗଞ୍ଜେଇ କାରବାର ଅଭିଯୋଗରେ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି । ବ୍ୟକ୍ତି ଜଣଙ୍କ ହେଲେ ଜଳନ୍ଧର ସାହୁ । ତାଙ୍କ ନିକଟରୁ 13 କିଜି ୪୮୦ ଗ୍ରାମର ଗଞ୍ଜେଇ ଜବତ କରିଛି ପୋଲିସ ।
ଫଟୋ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ମାଜିଷ୍ଟ୍ରେଟଙ୍କ ଉପସ୍ଥିତିରେ ଜଳନ୍ଧର ସାହୁଙ୍କ ଘରେ ଚଢାଉ କରାଯାଇଥିଲା । ଏହି ସମୟରେ ଘର ମଧ୍ୟରୁ ଚାରୋଟି ବ୍ୟାଗରେ ଥିବା ୧୩ କେ.ଜି ୪୮୦ ଗ୍ରାମର ଗଞ୍ଜେଇକୁ ପୋଲିସ ଜବତ କରିଛି । ଯାହାର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅନୁମାନ କରାଯାଉଛି। ତେବେ ପୋଲିସ ଜଳନ୍ଧରଙ୍କୁ ଅଧିକ ପଚାରା ଉଚାରା ଜାରି ରଖିଥିବା କହିଛନ୍ତି ସ୍ଥାନୀୟ ଥାନାଧିକାରୀ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
