ବ୍ରହ୍ମପୁର: ପାଟପୁର ପୋଲିସକୁ ସଫଳତା । ଦଶେଇପୁର ଗ୍ରାମ ଛକ ମୁଖ୍ୟରାସ୍ତାରେ ୧୦୪ କେଜିରୁ ଊର୍ଦ୍ଧ୍ବ ଗଞ୍ଜେଇ ବୋଝେଇ କାର ଜବତ । ଏଥିରେ ଜଣଙ୍କୁ ଗିରଫ କରିଛି ପୋଲିସ । ଗିରଫ ଯୁବକ ହେଲେ ଗଜପତି ଜିଲ୍ଲା ଅଡ଼ବା ଥାନା ଖ୍ରୀଷ୍ଟିଆନ ସାହିର ଜୋସେଫ ବୀର ବୋଲି ଜଣାପଡିଛି ।
ସୂଚନାନୁଯାୟୀ, ଗଜପତିରୁ ବ୍ରହ୍ମପୁର ଗଞ୍ଜେଇ ଚୋରାଚାଲାଣ ହେଉଥିବା ବିଶେଷ ସୁତ୍ରରୁ ଖବରପାଇ ପାଟପୁର ପୋଲିସ । ପରେ ଗାଡିରେ ପିଛାକରି ଦଶେଇପୁର ଗ୍ରାମ ମୁଖ୍ୟ ରାସ୍ତାରେ ଅଟକାଇ ଛାନଭିନ ପୋଲିସ କରିଥିଲା । ସାନଖେମୁଣ୍ଡି ତହସିଲଦାର ଶ୍ରୀନିବାସ ବେହେରାଙ୍କ ଉପସ୍ଥିତିରେ ଉକ୍ତ ଗାଡ଼ିରେ ୪ଟି ବସ୍ତା ଗଞ୍ଜେଇ ଜବତ ହୋଇଥିଲା । 4ଟି ବସ୍ତାରେ ୧୦୪ କେଜି ୨୦୦ ଶହ ଗ୍ରାମ ଓଜନର ରହିଥିବା ଜଣାପଡିଛି । ଏନେଇ ପାଟପୁର ଥାନା ମାମଲା ନଂ. ୨୭୬/୨୦ , ଏନ୍ ଡି ପି ଏସ ଆକ୍ଟ ଅନୁଯାୟୀ ଅଭିଯୁକ୍ତଙ୍କୁ ଗିରଫ କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
