ବାରିପଦା: ପାରିବାରିକ କଳହର କରୁଣ ପରିଣତି । ଗୋଟିଏ ପରିବାରର ପୋଡ଼ି ହୋଇ ତିନି ଗୁରୁତର । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ ଅନ୍ତର୍ଗତ ବୈଦପୁର ଗାଁରେ ।
ସୂଚନା ଅନୁଯାୟୀ, ରବିବାର ଗୌର ସିଂଙ୍କ ଘରେ ପାରିବାରିକ କଳହରୁ ତାଙ୍କ ସ୍ତ୍ରୀ ସରସ୍ବତୀ ଦେହରେ କିରୋସିନ ଢାଳି ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ । ଏହା ଦେଖି ଗୌର ସିଂ ଏବଂ ତାଙ୍କ ମା ତାଙ୍କୁ ଉଦ୍ଧାର କରିବା ପାଇଁ ଧାଇଁ ଯାଇଥିଲେ । ଯେଉଁଥିରେ ସ୍ବରସ୍ବତୀଙ୍କ ସମେତ ଗୌର ସିଂ ଏବଂ ତାଙ୍କ ମା ଗୁରୁତର ଆହତ ହୋଇଥିଲେ।
ପାରିବାରିକ କଳହରୁ ମହିଳାଙ୍କ ଆତ୍ମହତ୍ୟା ଉଦ୍ୟମ
ଖବର ପାଇ ପଡେ଼ାଶୀ ଲୋକ ଆମ୍ବୁଲାନ୍ସକୁ ଖବର ଦେଇଥିଲେ । ଆମ୍ବୁଲାନ୍ସ ଆସିବା ପରେ ସେମାନଙ୍କୁ ପ୍ରଥମେ ବେତନଟୀ ଏବଂ ପରେ ବାରିପଦା ମେଡିକାଲ କଲେଜକୁ ପଠାଯାଇଥିଲା । ପରିବାର ତିନି ଜଣ ଯାକ ଗୁରୁତର ଥିବା ବେଳେ ସ୍ବରସ୍ବତୀଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତରିତ କରାଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
