ବାରିପଦା: ନାବାଳିକାଙ୍କୁ ଗଣଦୁଷ୍କର୍ମ ଅଭିଯୋଗରେ ୩ ଜଣ ଗିରଫ । ବାରିପଦା ଟାଉନଥାନା ଅନ୍ତର୍ଗତ ମଧୁବନ ସ୍ଥିତ ଏକ ଗ୍ୟାରେଜରେ ମଧୁବନ ଅଞ୍ଚଳର ଜଣେ ନାବାଳିକାଙ୍କୁ ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଅଛି ।
ନାବାଳିକାକୁ ଗଣ ଦୁଷ୍କର୍ମ ଅଭିଯୋଗ, 3 ଗିରଫ
ଅଭିଯୋଗ ଅନୁସାରେ, ମଙ୍ଗଳବାର ରାତିରେ ବାରିପଦା ସହରର ଜଣେ ୧୩ ବର୍ଷୀୟ ନାବାଳିକାଙ୍କୁ କୌଣସି କାମ ବାହାନାରେ 3 ଜଣ ବନ୍ଧୁ ସ୍ଥାନୀୟ ଏକ ଗ୍ୟାରେଜକୁ ଡାକି ନେଇଥିଲେ। ସେଠାରେ ପିଡୀତାଙ୍କପ ଗଣଦୁଷ୍କର୍ମ କରିବା ପରେ ଭୋର ପ୍ରାୟ 3ଟା ସମୟରେ ଛାଡି ଦେଇଥିଲେ । ପିଡୀତା ଘରେ ଆସି ସମସ୍ତ ଘଟଣା କହିବା ପରେ ପରିବାର ପକ୍ଷରୁ ଟାଉନଥାନାରେ ଏ ବାବଦରେ ଏକ ଲିଖିତ ଅଭିଯୋଗ କରାଯାଇଥିଲା ।
ତେବେ ଅଭିଯୋଗ ପରେ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରି ୩ ଜଣ ଅଭିଯୁକ୍ତଙ୍କୁ ଗିରଫ କରା ଯାଇଥିବା ସୂଚନା ଦେଇଛନ୍ତି ବାରିପଦା ଟାଉନ୍ ଥାନା ଅଧିକାରୀ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
