ବାରିପଦା: ମୟୂରଭଞ୍ଜର ମହାରାଜା ପୂର୍ଣ୍ଣଚନ୍ଦ୍ର ସୟଂଶାସିତ ମହାବିଦ୍ୟାଳୟରେ ଛାତ୍ରଛାତ୍ରୀଙ୍କ ଆନ୍ଦୋଳନ । କଲେଜରେ ବିଭିନ୍ନ ସମସ୍ୟା ନେଇ ଛାତ୍ରଛାତ୍ରୀମାନେ ଶୁକ୍ରବାର କଲେଜର ମୁଖ୍ୟ ଫାଟକରେ ତାଲା ପକାଇ ଆନ୍ଦୋଳନ କରିଛନ୍ତି ।
ସୂଚନା ଅନୁଯାୟୀ, କଲେଜରେ ୭୫ ପ୍ରତିଶତ ଆଟେଣ୍ଡାନ୍ସ ଜରୁରୀ ଥିବାବେଳେ ଦରକାର ଅନୁସାରେ ଅଧ୍ୟାପକ/ଅଧ୍ୟାପିକା ନଥିବା ହେତୁ କଲେଜରେ ପାଠପଢା ହେଉନାହିଁ । ଫଳରେ ଛାତ୍ରଛାତ୍ରୀମାନେ ନାହିଁ ନଥିବା ଅସୁବିଧାରେ ସମ୍ମୁଖିନ ହେଉଛନ୍ତି । ଏଥିସହ କଲେଜରେ ଛାତ୍ରଛାତ୍ରୀ ମାନଙ୍କୁ ସେମାନଙ୍କ ମୌଳିକ ସମସ୍ୟାରୁ ବଞ୍ଚିତ କରାଯାଉଥିବା ବେଳେ ଦୀର୍ଘ ଦିନ ହେବ କଲେଜରେ ରେଜଲ୍ଟ ବାହାରିନାହିଁ ।
ଏହି ସମସ୍ୟା ନେଇ ଛାତ୍ରଛାତ୍ରୀମାନେ ପୁର୍ବରୁ କଲେଜ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ନପାଇ ଶେଷରେ ଶୁକ୍ରବାର କଲେଜର ଗେଟରେ ତାଲା ପକାଇ ଆନ୍ଦୋଳନକୁ ଓହ୍ଲାଇଛନ୍ତି। ତେବେ ସମାସ୍ୟା ସମାଧାନ ନହେବା ଯାଏଁ ଆନ୍ଦୋଳନ ଆହୁରି ତୀବ୍ର କରାଯିବ ବୋଲି ଛାତ୍ରଛାତ୍ରୀ ଚେତାବନୀ ଦେଇଛନ୍ତି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
