ମୟୁରଭଞ୍ଜ/ଯାଜପୁର: ଗାନ୍ଧୀ ଜୟନ୍ତିରୁ ଆରମ୍ଭ ହୋଇଥିବା ‘ମୋ ସରକାର’ ଯୋଜନାକୁ କାର୍ଯ୍ୟକାରୀ କରିବା ପାଇଁ ରାଜ୍ୟ ସରକାର କୌଣସି ସୁଯୋଗ ଛାଡୁନାହାଁନ୍ତି । ‘ମୋ ସରକାର’ ଯୋଜନା ମାଧ୍ୟମରେ 5ଟି କେମିତି ପ୍ରଶାସନରେ କାର୍ଯ୍ୟକାରୀ ହେଉଛି ଓ କଣ ସମସ୍ୟା ରହୁଛି ତାହା ଜାଣିବାକୁ ଖୋଦ 5ଟି ସଚିବ ଭି କାର୍ତ୍ତିକେୟନ ପାଣ୍ଡିଆନ ଏବେ ଜିଲ୍ଲାୱାରୀ ଗସ୍ତ କରୁଛନ୍ତି । ଏହି କ୍ରମରେ ଆଜି 5ଟି ଟିମ ମୟୂରଭଞ୍ଜ, ଯାଜପୁର ଓ ସୁନ୍ଦରଗଡ ଗସ୍ତ କରି ଲୋକଙ୍କ ସମସ୍ୟା ବୁଝିବା ସହ ସଂପୃକ୍ତ ଜିଲ୍ଲାର ହସ୍ପିଟାଲକୁ ଯାଇ ବାସ୍ତବତା ଅନୁଧ୍ୟାନ କରିଛନ୍ତି ।
ଏନେଇ ରବିବାର ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଆସିଛନ୍ତି ପାଣ୍ଡିୟାନଓ ଟିମ । ଡାକ୍ତରଖାନାରେ ରୋଗୀଙ୍କୁ କିଭଳି ସେବା ମିଳୁଛି କ'ଣ ସମସ୍ୟା ରହିଛି ତାହା ସିଧାସଳଖ ଲୋକଙ୍କ ପାଖରୁ ପଚାରି ବୁଝିଛନ୍ତି । ପାଣ୍ଡିୟାନଙ୍କ ଗସ୍ତ ପୂର୍ବରୁ ଦୀର୍ଘ ବର୍ଷ ଧରି ଅବ୍ୟବସ୍ଥାରେ ପଡିଥିବା ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜକୁ କର୍ତ୍ତୃପକ୍ଷ ରାତିଦିନ ଏକ କରି ହସ୍ପିଟାଲର ରୂପରେଖ ବଦଳାଇ ଦେଇଛନ୍ତି । ଏହି ଗସ୍ତ ସମୟରେ 5ଟି ସଚିବଙ୍କ ସମେତ ଉନ୍ନୟନ କମିଶନର ସୁରେଶ ମହାପାତ୍ର ଜାତୀୟ ସ୍ବାସ୍ଥ୍ୟ ନିର୍ଦ୍ଦେଶିକା ଶାଳିନୀ ପଣ୍ଡିତ ମୟୂରଭଞ୍ଜ ଜିଲ୍ଲାପାଳ ଓ ଏସ୍ପି ଉପସ୍ଥିତ ଥିଲେ ।
ଅନ୍ୟପଟେ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନ କରିଛନ୍ତି 5ଟି ଟିମର ଅନ୍ୟ ଏକ ଟିମ୍ । ସ୍ବାସ୍ଥ୍ୟ ବିଭାଗର ଯୁଗ୍ମ ସଚିବ ପୁନମ ଗୁହା, ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ ଦିଲ୍ଲୀପ ମହାନ୍ତି, ଯୁଗ୍ମ ସଚିବ ଆଦିତ୍ୟ ମହାପାତ୍ର ସାମିଲ ଥିଲେ । ଉକ୍ତ ଟିମ୍ ହସ୍ପିଟାଲକୁ ଆସି ଭିତ୍ତିଭୂମି ଯାଞ୍ଚ କରିବା ସହ ରୋଗୀଙ୍କୁ କିଭଳି ସ୍ବାସ୍ଥ୍ୟସେବା ମିଳୁଛି ରୋଗୀ ଓ ସଂପର୍କୀୟଙ୍କ ଠାରୁ ପଚାରି ବୁଝିଥିଲେ । ହସ୍ପିଟାଲ ପରିସରରେ ନୂତନ ଏକ୍ସରେ ମେସିନ, ନୂତନ ଆଇସିୟୁ ଖୋଲିବା ସହିତ ଔଷଧ ବିକ୍ରୟ କେନ୍ଦ୍ର ଖୋଲିବାକୁ ନିର୍ଦ୍ଦେଶ ଦେଇଥିଲେ । ଡିଏମଏପଂ ପାଣ୍ଠିରୁ ଆବଶ୍ୟକ ଅର୍ଥ ନେଇ ଭିତ୍ତିଭୂମି ସଜାଡିବାକୁ ନିର୍ଦ୍ଦେଶ ଦେଇଛନ୍ତି । ଟିମ୍ର ଗସ୍ତ ସମୟରେ ଯାଜପୁରର ଭାରପ୍ରାପ୍ତ ଜିଲ୍ଲାପାଳ ମିହିର ପ୍ରସାଦ ମହାନ୍ତି, ଏସପି ଚରଣ ସିଂ ମିନା ଏବଂ ସିଡିଏମ ଓ ଅରୁଣ କୁମାର ପାତ୍ର ପ୍ରମୁଖ ଉପସ୍ଥିତ ଥିଲେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତିଙ୍କ ସହ ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
