ବାଲେଶ୍ବର: ରାଜ୍ୟ ସରକାରଙ୍କ ଅନେକ ଯୋଜନା । ହେଲେ ଯୋଜନା କେଉଁଠି ମେଞ୍ଚେ ତ ପୁଣି କେଉଁଠି ଜମାରୁ ନାହିଁ । ଏମିତି ସରକାରୀ ଯୋଜନା ଫେଲ୍ ମାରିଥିବା ଗାଁ ହେଉଛି ବାଲେଶ୍ଵର ଜିଲ୍ଲା ଖଇରା ବ୍ଲକ ଖରିଦା ଗାଁ ।
ବାତ୍ୟାରେ ବାହ୍ୟ ଜଗତରୁ ବିଛିନ୍ନ ଗାଁ ପ୍ରତି ପ୍ରଶାସନର ନାହିଁ ନିଘା
ବାତ୍ୟା ୟସ ଯୋଗୁଁ ସବୁ ଆଡେ ଜଳମଗ୍ନ ହୋଇଯାଇଥିଲା । ଖରିଦା ଗାଁକୁ ଯିବା ରାସ୍ତା ବାତ୍ୟାରେ ଧୋଇଗଲା । ବାତ୍ୟାକୁ ଏକ ସପ୍ତାହ ପୁରିଥିଲେ ସୁଦ୍ଧା ଏଯାଏଁ ରାସ୍ତା ତିଆରି ପାଇଁ ପ୍ରଶାସନିକ ସ୍ତରରେ ଦୃଷ୍ଟି ପଡିନି ।
ଅନ୍ୟପଟେ ଚକମହାସମପୁର ଠାରୁ ଖରିଦା ଗାଁକୁ ପକ୍କା ରାସ୍ତା ନିର୍ମାଣ ପାଇଁ ବ୍ୟୟ ଅଟକଳ ହୋଇଥିଲେ ମଧ୍ୟ ସେଥିରେ ବ୍ୟତିକ୍ରମ ହୋଇଥିବା ଦେଖିବାକୁ ମିଳିଛି । ବର୍ତ୍ତମାନ ରାସ୍ତା ଧୋଇ ହୋଇଯାଇଥିବାରୁ ଗାଁ ଲୋକେ ଘରୁ ବାହାରି ପାରୁନାହାଁନ୍ତି । ଏଭଳି ସ୍ଥିତିରେ ପ୍ରଶାସନିକ ଅଧିକାରୀମାନେ ଦୃଷ୍ଟି ନ ଦେବାରୁ ସାଧାରଣରେ ଚର୍ଚ୍ଚା ଜୋର ଧରିଛି ।
ବାଲେଶ୍ବରରୁ ଜୀବନ ଜ୍ୟାେତି ନାୟକ, ଇଟିଭି ଭାରତ
